پاۆلودار وبلىسىنىڭ پد قىزمەتكەرلەرى وبلىس تۇرعىندارىنا شەتەلدىك ازاماتتاردى قابىلداۋ ءتارتىبىن ءتۇسىندىردى, دەپ حابارلايدى Egemen.kz Polisia.kz-كە سىلتەمە جاساپ.
قازىرگى ۋاقىتتا قازاقستاندا شەتەلدىك ازاماتتىڭ تولقۇجاتىن تىركەۋ تالاپ ەتىلمەيدى. ەندى شەتەلدىك ازاماتقا كوشى-قون قىزمەتىنە بارۋعا ۋاقىت جۇمساۋدىڭ قاجەتى جوق. مۇنى ولاردى قابىلداۋشى تاراپ جاسايدى. مىسالى, كەلۋ ماقساتىنا قاراماستان, قوناق ۇيگە ورنالاسقان شەتەلدىك تۋرالى وسى قوناق ءۇيدىڭ قىزمەتكەرى vmp.gov.kz پورتالى ارقىلى ءبىر-ەكى مينۋتتىڭ ىشىندە حابارلاي الادى.
قابىلداۋشى تاراپ كەلگەن كوشىپ كەلۋشىلەر تۋرالى ولار كەلگەن كۇننەن باستاپ ءۇش جۇمىس كۇنى ىشىندە, ال جۇمىس بەرۋشى كاسىپورىنعا كەلگەنى تۋرالى حابارلاۋعا مىندەتتى. بۇل رەتتە حابارلاما شەتەلدىك ازاماتتىڭ قازاقستانعا كەلگەنى تۋرالى عانا ەمەس, تۇرعىلىقتى جەرىن اۋىستىرعان نەمەسە وزگە وبلىسقا كەتكەن كەزدە دە جىبەرىلەدى.
16-19 جەلتوقسان ارالىعىندا كوشى-قون قىزمەتىنىڭ قىزمەتكەرلەرى ۋچاسكەلىك پوليتسيا ينسپەكتورلارىمەن بىرلەسىپ, قوناق ۇيلەر, حوستەلدەر جانە جالعا بەرىلەتىن پاتەرلەردىڭ يەلەرىمەن كوشى-قون زاڭناماسىن ءتۇسىندىرۋ بويىنشا رەيدتەر وتكىزدى. رەيدتەر بارىسىندا 54 نىسان قامتىلدى, ولاردىڭ يەلەرىنە بۋكلەتتەر تاراتىلىپ, ءتۇسىندىرۋ سيپاتىنداعى اڭگىمەلەر جۇرگىزىلدى.