«سامۇرىق-قازىنا» ۇاق» اق وسى جىلدىڭ سوڭىنا دەيىن «ۆوستوكماشزاۆود» اق جارعىلىق كاپيتالىنداعى كومپانيالار توبىنىڭ قاتىسۋ ۇلەسىن جانە Intergas Finance B. V. جارعىلىق كاپيتالىنداعى اكتسيالار پاكەتىن ىسكە اسىرۋدى جوسپارلاپ وتىر, دەپ حابارلايدى Egemen.kz.
شاعىن اكتيۆتەردى ساتۋ قر ۇكىمەتىنىڭ 30.12.15 ج. №1141 قاۋلىسىمەن بەكىتىلگەن جەكەشەلەندىرۋدىڭ 2016-2020 جىلدارعا ارنالعان كەشەندى جوسپارى شەڭبەرىندە جۇزەگە اسىرىلادى. ەكى مامىلەنى دە تىكەلەي اتاۋلى ساتۋ ادىسىمەن جۇزەگە اسىرۋ جوسپارلانىپ وتىر.
اكتيۆتەردىڭ قۇنى جالپى سوماسى 117 ملن تەڭگەگە باعالانادى. جەكەشەلەندىرۋ باعدارلاماسى بويىنشا ساتۋدان تۇسكەن قاراجات قر ۇكىمەتى قورىنىڭ جالعىز اكتسيونەرىنىڭ شەشىمى نەگىزىندە بولىنەتىن بولادى.
ەستەرىڭىزگە سالا كەتەيىك, «ۆوستوكماشزاۆود» اق - بۇل قازاقستاننىڭ تاۋ-كەن ءوندىرۋ جانە مەتاللۋرگيا سالالارىنىڭ نەگىزگى وبەكتىلەرىنە جاقىن ورنالاسقان وسكەمەن قالاسىندا 1958 جىلى پايدالانۋعا بەرىلگەن ماشينا جاساۋ كەشەنى. كەشەن قۇيۋ پەشتەرىنەن باستاپ دايىن ءونىمدى مەحانيكالىق وڭدەۋگە دەيىنگى تولىق ماشينا جاساۋ تسيكلىنىڭ بارلىق تەحنولوگيالىق بولىنىستەرىمەن جابدىقتالعان. اكتسيونەرلىك قوعامنىڭ نەگىزگى كومپانياسى «قتج» ۇك» اق تيەسىلى «قامقور» جوندەۋ كورپوراتسياسى» جشس بولىپ تابىلادى.
Intergas Finance B. V. - كومپانيانىڭ جالعىز اكتسيونەرى «قازمۇنايگاز» ۇك اق تيەسىلى «قازترانسگاز» اق بولىپ تابىلادى. نەگىزگى قىزمەت ءتۇرى-كومپانيالاردى قارجىلاندىرۋ, وبليگاتسيالاردى شىعارۋ ارقىلى قاراجات تارتۋ, بانكتىك قارجىلاندىرۋ جانە ت.ب.
ايتا كەتەيىك, قازىرگى ۋاقىتتا قر ۇكىمەتى بەكىتكەن جەكەشەلەندىرۋ جوسپارى 84% - عا اياقتالدى: 89 اكتيۆ ساتىلدى, 11 – ءى قايتا ۇيىمداستىرىلدى جانە 42 – ءسى تاراتىلدى. قازىرگى ۋاقىتتا شىعارۋ پروتسەسىنە «سامۇرىق-قازىنا» اق-نىڭ 8 ءىرى جانە 18 شاعىن كومپانيالارى قاتىسادى.