ەلوردالىق ەرىكتىلەر ەرەكشە قاجەتتىلىكتەرى بار بالالارعا ارنالعان «اياز اتا ۇيىندە» قايىرىمدىلىق اكتسياسىن ۇيىمداستىردى, دەپ حابارلايدى Egemen.kz.
ەلوردادا Dobro.qz ەرىكتىلەر ۇيىمى مەن ەلوردا اكىمدىگىنىڭ ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسياسىنىڭ ۇيىمداستىرۋىمەن «اياز اتا ۇيىندە» اتتى جاڭا جىلدىق قايىرىمدىلىق مەرەكەسى ءوتىپ جاتىر.
ءىس-شاراعا اتا-اناسىنىڭ قامقورلىعىنسىز قالعان, كوپبالالى, از قامتىلعان وتباسىلاردان شىققان جانە ەرەكشە قاجەتتىلىكتەرى بار بالالار قاتىسادى.
ء«ىس-شارا «30 يگى ءىس» اكتسياسى اياسىندا وتكىزىلۋدە. Dobro.qz قوعامدىق قورىنىڭ باستاماسىن نۇر-سۇلتان قالاسى اكىمدىگىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيا قولدادى. بالالارعا ارنالعان ارنايى سىيلىقتارىمىز دا بار. ءىس-شارا بارلىق سانيتارلىق نورمالارعا سايكەس وتكىزىلىپ جاتىر», - دەيدى نۇر-سۇلتان قالاسى اكىمدىگى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيا حاتشىسى ءمولدىر بولەباەۆا.
اكتسياعا بارلىعى 312 وتباسىنان 400-دەن استام ەرەكشە قاجەتتىلىكتەرى بار بالالار قاتىسادى. سونداي-اق مەرەكەگە اتا-اناسىنىڭ قامقورلىعىنسىز قالعان 100 بالا, كوپ بالالى 112 بالا جانە از قامتىلعان وتباسىلاردىڭ 30 بالاسى قاتىسادى.
«كارانتين تالاپتارىن جانە بارلىق سانيتارلىق نورمالاردى ساقتاي وتىرىپ, 10-15 بالاعا دەيىن قاتىسا الادى. كۇن سايىن ءبىز 80-100 بالاعا سىيلىق بەرەمىز. ءىس-شارا اياقتالعاننان كەيىن كەيبىر بالالار ءتىپتى ۇيىنە قايتقىسى كەلمەي, شىرشا جانىندا وتىرىپ الادى. ەرەكشە قاجەتتىلىكتەرى بار بالانى تاربيەلەپ وتىرعان انا رەتىندە مەن بالالاردىڭ قانشالىقتى باقىتتى ەكەنىن كورگەنىمە وتە قۋانىشتىمىن. ولاردىڭ شىنايى كۇلكىلەرىن كورگەندە ءوزىمدى باقىتتى سەزىنەمىن. وزگەلەرگە قانشالىقتى كوپ كومەكتەسسەم, سوعۇرلىم بالامنىڭ ساۋىعىپ كەتەتىنىنە سەنىمدىمىن. ەرىكتىلەرگە العىسىمدى بىلدىرگىم كەلەدى, ويتكەنى ولار وراسان زور ەڭبەك ەتۋدە», - دەيدى Dobro.qz ەرىكتىلەر ۇيىمىنىڭ مۇشەسى بوتاگوز شىنىقۇلوۆا.
«مەرەكە بالالارعا وتە ۇنايدى. ەرىكتىلەر مەن ۇيىمداستىرۋشىلارعا ۇلكەن راحمەت. مەن بۇل شارا تۋرالى «باقىتتى شاڭىراق» قوعامدىق قورى ارقىلى ءبىلدىم», - دەيدى ءۇش بالانىڭ اناسى ايىم ساعىندىق.
18 جەلتوقساندا باستالعان قايىرىمدىلىق شاراسى 26 جەلتوقسانعا دەيىن جالعاسادى.