باس شاھاردىڭ اكىمى التاي كولگىنوۆ ءوزىنىڭ "Instagram" پاراقشاسىندا ءبىر اپتا ىشىندە 30-عا جۋىق ازاماتتى جەكە قابىلدادى. قالا تۇرعىندارى نەگىزىنەن باسپانا الۋ, مەديتسينالىق كومەك, جۇمىسقا ورنالاسۋ, تۇرعىن اۋدانداردى دامىتۋ ماسەلەلەرىمەن جۇگىنەتىنىن جازدى, دەپ حابارلايدى Egemen.kz
ء"بىر اپتانىڭ ىشىندە ازاماتتاردى ەكى مارتە قابىلدادىم. بۇل شامامەن 30 وتباسىنىڭ 90 ماسەلەسىن قامتىدى. سۇراقتاردىڭ دەنى باسپانا, مەديتسينالىق كومەك, جۇمىسپەن قامتۋ, تۇرعىن الاپتارىن دامىتۋ ماسەلەلەرىنە قاتىستى بولدى.
بىزدە 16 تۇرعىن الابى بار. وندا قالانىڭ ءار ءتورتىنشى تۇرعىنى مەكەن ەتىپ جاتىر. بيىل وسى تۇرعىن الاپتاردا بىرقاتار اۋقىمدى جۇمىستار اتقارىلدى: 100-دەن اسا كوشەگە اسفالت توسەلىپ, دەمالىس ورىندارىن قۇرۋ ءۇشىن 40 قوعامدىق كەڭىستىك پەن اۋلا اباتتاندىرىلدى (كوكتال-1, كوكتال-2, اگروقالاشىق, ينتەرناتسيونالنىي̆, ءونديريس جانە ت.ب.). سونىمەن قاتار ميچۋرينودا كەڭ مەكتەپ اشىلدى. بۇرىن بۇل تۇرعىن الاپتا بىردە-ءبىر ءبىلىم وشاعى بولماعان ەدى. ەلدى مەكەندەردە ءالى دە مەكتەپ, مەديتسينالىق مەكەمە, دەنەشىنىقتىرۋ-ساۋىقتىرۋ كەشەندەرىن جانە ت.ب. نىسانداردى سالىپ جاتىرمىز.
سونداي̆-اق 13,5 شاقىرىم ينجەنەرلىك جەلىلەر, 5 شاقىرىمنان اسا كاناليزاتسيا مەن سۋ قۇبىرى, 3 شاقىرىمنان اسا نوسەر كاناليزاتسياسى سالىندى. ينجەنەرلىك جەلىسىز وركەنيەتتىڭ بولماي̆تىنى بەلگىلى. سودان سوڭ جىلى ايالدامالاردى ورناتۋ جانە ونى جارىقتاندىرۋ, جاڭا اۆتوبۋس مارشرۋتتارىن ىسكە قوسۋ سياقتى ماسەلەلەر تاعى بار. پرەزيدەنتتىڭ تاپسىرماسى بوي̆ىنشا 2021 جىلى شەتكى اي̆ماقتارعا ەرەكشە كوڭىل بولىنەدi. قازىر سونىڭ جوباسى ازىرلەنىپ جاتىر.
ورىنباسارلارىما, اۋدان اكىمدەرىنە جانە باسقارما باسشىلارىنا جىل سوڭىنا دەي̆ىن الدىن الا قابىلداۋعا جازىلعان ازاماتتاردىڭ كەزەگىن تەزىرەك جىلجىتۋدى تاپسىردىم", دەپ جازدى التاي كولگىنوۆ.