پرەمەر-مينيستر اسقار مامين قاراعاندى فارماتسەۆتيكالىق كەشەنىنە بارىپ, قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ پەن رەسەي فەدەراتسياسىنىڭ پرەزيدەنتى ۆلاديمير ءپۋتيننىڭ اراسىنداعى ۋاعدالاستىقتاردى ىسكە اسىرۋ اياسىندا «سپۋتنيك V» ۆاكتسيناسىن ءوندىرۋدى باستاپ بەردى, دەپ حابارلايدى Egemen.kz.
كەشەن بازاسىندا كەزەڭ-كەزەڭىمەن 2 ملن دوزا ۆاكتسينا وندىرىلەدى.
«قازاقستاندا وندىرىلگەن “سپۋتنيك V”-مەن جاپپاي ۆاكتسيناتسيا 2021 جىلعى اقپان ايىندا باستالادى. ءبىرىنشى كەزەكتە ەكپە ەرىكتى نەگىزدە مەديتسينا قىزمەتكەرلەرى, پەداگوگتەر, ستۋدەنتتەر, قۇقىق قورعاۋ ورگاندارىنىڭ قىزمەتكەرلەرى, مەديتسينالىق-الەۋمەتتىك مەكەمەلەردىڭ كونتينگەنتى, سونداي-اق سوزىلمالى اۋرۋلارى بار قاۋىپتىلىك توپتارىنىڭ وكىلدەرىنە سالىنادى», — دەدى ا. مامين.
قر پرەمەر-ءمينيسترى قازاقستاندا «سپۋتنيك V» ۆاكتسيناسىنىڭ ونەركاسىپتىك ءوندىرىسىن جەرگىلىكتەندىرۋدىڭ ەرەكشە ماڭىزدىلىعىن اتاپ ءوتتى.