شىمكەنتتە وق اتۋدان قازاقستاننىڭ چەمپيوناتى وتۋدە. ورتالىق سپورت كلۋبىنىڭ قورجىنى 2 التىن, 3 كۇمىس پەن 4 قولا مەدالمەن تولىقتى, دەپ حابارلايدى Egemen.kz قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ حابارلايدى.
تۋرنيردە كىل مىقتالاردىڭ قاتارىنان كورىنۋ ءۇشىن 100 قاتىسۋشى سايىسقا ءتۇستى. جارىستىڭ باعدارلاماسىنا جەتى جاتتىعۋ كىردى. سپورتشىلار شاعىن كاليبەرلى, پنەۆماتيكالىق مىلتىقتان, سونداي-اق پيستولەتتىڭ ءار تۇرىنەن جالعىز جانە جۇپتاسىپ اتۋدان جارىستى.
قازاقستان قارۋلى كۇشتەرىنىڭ نامىسىن مەرگەندەر يۋري يۋركوۆ, ەلەنا فاينبەرگ جانە داريا كالينينا قورعادى.
"بۇل جارىستار بيىلعى جىلدىڭ سوڭعى جارىستارى. چەمپيونات بارلىق سانيتارلىق-ەپيدەميولوگيالىق نورمالارعا سايكەس وتكىزىلدى. ال ارميا سپورتىنا كەلەر بولساق, ولار ارقاشان وزدەرى كورسەتىپ جۇرگەن جوعارى, شەبەر جانە كاسىبي دايارلىق دەڭگەيىن كورسەتتى. اسكەري قىزمەتشى يۋري يۋركوۆ – "توكيو-2021" وليمپيادا ويىندارىنا جولداما العانىن ايتا كەتەيىن", - دەپ ءبولىستى اعا جاتتىقتىرۋشى – ورتالىق سپورت كلۋبىنىڭ وق جانە ستەند اتۋدان كوماندا باستىعى ولگا ۆاجنينا.