وبلىستا سۋ باسۋ قاۋىپى بار سىرداريا وزەنىنىڭ 73,8 شاقىرىمدى قۇرايتىن 15 ۋچاسكەسى جوندەلۋدە. قازىرگى تاڭدا 8 اۋماقتىڭ قورعانىس بوگەتتەرى نىعايتىلىپ, ارناسى تازارتىلدى. قالعان جەتەۋىندە جۇمىستار جالعاسۋدا, دەپ حابارلايدى Egemen.kz.
"وبلىستا سۋ تاسقىنى بولعان جاعدايدا 156 مىڭعا جۋىق ادامدى كوشىرۋگە ارنالعان 84 ەۆاكۋاتسيالىق جيناقتاۋ جانە 101 قابىلداۋ پۋنكتى دايىن. سونداي-اق سۋ باسۋ قاۋپى بار ايماقتار ۋچاسكەلەرگە ءبولىنىپ, وعان 126 مەكەمەدەن 411 ارنايى تەحنيكا جانە 1269 ادام بەكىتىلدى. بۇعان قوسا, شاردارا سۋ قويماسىنان جىبەرىلگەن سۋدى وبلىس اۋماعىنان قاۋىپسىز وتكىزۋ ماقساتىندا وزەندەگى سۋدىڭ دەڭگەيى مەن اۋا رايى كۇندەلىكتى باقىلانىپ, سىرداريا وزەنىنە مونيتورينگ جۇمىستارى جۇرگىزىلۋدە", - دەدى وبلىستىق تجد ءبولىم باسشىسىنىڭ مىندەتىن اتقارۋشى عالىمجان ءاشىموۆ.