بۇگىن ساعات 19:00-دەن 20:00-گە دەيىن نۇر-سۇلتانداعى ماڭىزدى نىساندار قىزعىلت-سارى جارىقپەن جارىقتاندىرىلادى, دەپ حابارلايدى Egemen.kz.
اكىمدىكتە وتكەن بريفينگ بارىسىندا بۇل تۋرالى نۇر – سۇلتان قالاسى اكىمدىگىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيا حاتشىسى, اكىمنىڭ باس ينسپەكتورى ءمولدىر بولەباەۆا ايتىپ بەردى. بۇل اكتسيا گەندەرلىك زورلىق-زومبىلىققا قارسى ىنتىماقتاستىق بەلگىسى رەتىندە وتكىزىلەدى.
بۇعان دەيىن حابارلانعانداي, «زورلىق-زومبىلىقسىز 16 كۇن» الەۋمەتتىك اكتسياسى - ايەلدەرگە قاتىستى زورلىق-زومبىلىقتى جويۋدىڭ حالىقارالىق كۇنى - 25 قاراشادا باستالاتىن جانە 10 جەلتوقسان - ادام قۇقىقتارى كۇنىنە دەيىن جالعاساتىن جىل سايىنعى حالىقارالىق ناۋقان.
بۇل كۇندى 1999 جىلى بۇۇ باس اسسامبلەياسى رەسمي تۇردە جاريالادى جانە اتاۋلى كۇن الەمنىڭ 100-دەن استام ەلىندە قولداۋ تاپقان.
قازاقستان استاناسىندا دا وسى اكتسيا اياسىندا بىرقاتار ءىس-شارالار وتەدى.