«نازارباەۆ ۋنيۆەرسيتەت» دەربەس ءبىلىم بەرۋ ۇيىمى جوعارى قامقورشىلار كەڭەسىنىڭ توراعاسى نۇرسۇلتان نازارباەۆ «University Medical Center» كورپوراتيۆتىك قورىنىڭ باسقارما توراعاسى يۋري پيانى قابىلدادى, دەپ حابارلايدى Egemen.kz.
نۇرسۇلتان نازارباەۆقا قوردىڭ زاماناۋي مەديتسينالىق ءبىلىم بەرۋ, دەنساۋلىق ساقتاۋ جانە عىلىمي-زەرتتەۋ قىزمەتىن دامىتۋ بويىنشا قابىلداعان شارالارى تۋرالى اقپارات بەرىلدى.
– قازىرگى جاعدايدا مەديتسينا قىزمەتكەرلەرىنە ۇلكەن سالماق ءتۇسىپ, زور جاۋاپكەرشىلىك ارتىلىپ وتىر. ءسىز «University Medical Center» كورپوراتيۆتىك قورىنىڭ باسقارما توراعاسى قىزمەتىنە كىرىستىڭىز. ەلىمىزدىڭ جارقىن بولاشاعى جولىندا قىزمەت اتقاراتىنىڭىزعا سەنىمدىمىن. ءبىز سىزگە قولداۋ كورسەتەمىز, – دەدى ەلباسى.