الماتى قالاسىندا تۇنىمەن قار جاۋىپ, تازالاۋ جۇمىستارىنا ارنايى تەحنيكالار جۇمىلدىرىلدى, دەپ حابارلايدى Egemen.kz
الماتىدا 12 قاراشادا جاڭبىر جاۋىپ, ارتىنان قالىڭ قار ءتۇستى. مامانداردىڭ ايتۋىنشا, تۇندە قالاعا 4-7 سم, ال تاۋلى ايماقتارعا 10-12 سم قار ءتۇستى. جولدارعا, قيىلىستارعا كوكتايعاققا قارسى ماتەريالدار سەبىلىپ, قار شىعارىلدى. 13 قاراشادا تاڭعى ساعات 06:00-دەگى جاعداي بويىنشا كوكتايعاققا قارسى 1487 توننا ماتەريال پايدالانىلدى.
سونداي-اق, تروتۋارلاردى, جاياۋ جۇرگىنشىلەر اۋماقتارىن, قوعامدىق كولىك ايالدامالارىن, اۆتوتۇراقتاردى تازارتۋ جۇمىستارى جالعاسۋدا. قالاداعى قار تازالاۋ جۇمىستارىنا 567 تەحنيكا, ونىڭ ىشىندە 174 قۇملاقتىرعىش جانە 1485 جول جۇمىسشىلارى جۇمىلدىرىلدى. اۋداندىق اكىمدىكتەر مەن قالا اكىمدىگىندە قار تازالاۋ جۇمىستارىن تاۋلىك بويى باقىلايتىن كەزەكشىلىك ۇيىمداستىرىلادى.