ماڭعىستاۋ وبلىستىق توتەنشە جاعدايلار دەپارتامەنتى تۇپقاراعان اۋدانىنا قاراستى اقشۇقىر اۋىلىندا 9 ادام گازدان ۋلانىپ, اۋرۋحاناعا تۇسكەنىن ءمالىم ەتتى, دەپ حابارلايدى Egemen.kz
دەپارتامەنت باستىعىنىڭ ورىنباسارى مۇرات مۇحانوۆتىڭ مالىمەتىنشە, وقىس وقيعا كەشە كەشكىسىن بولعان. ەكى بولمەلى جەر ۇيدە تۇراتىن وتباسىنا اعاسى بالا-شاعاسىمەن قوناققا كەلەدى. تاماق ءپىسىرۋ ءۇشىن گاز باللونىن قولدانعان. ەكى وتباسى بالا-شاعاسىمەن كەشكى اس ءىشىپ وتىرعاندا كەزەكپەن السىرەپ, قۇلاي باستايدى. ەرەسەكتەردىڭ ءبىرى ازەر ورنىنان تۇرىپ, سىرتقى ەسىكتى اشىپ, جەدەل جاردەم شاقىرادى. زارداپ شەككەندەردىڭ بارلىعى امان قالدى.
"ماڭعىستاۋ وبلىسىنىڭ توتەنشە جاعدايلار دەپارتامەنتىنىڭ 5 قىزمەتكەرى, 3 بىرلىك تەحنيكا جۇمىلدىرىلدى. ۋاقىتشا باسپانادا گاز جىلىتقىشىنىڭ اقاۋىنان گاز تاراي باستاعان. وسى مەكەنجايدا دەپارتامەنت قىزمەتكەرلەرى 29 تامىز كۇنى جانە 17 قاراشا كۇندەرى ءورت قاۋىپسىزدىگىن ساقتاۋ ەرەجەلەرى بويىنشا ۇگىت ناسيحات جۇمىستارىن جۇرگىزگەن", دەدى م.مۇحانوۆ.
ەرەسەكتەر وبلىستىق اۋرۋحاناعا, ال بالالار اقتاۋداعى بالالار اۋرۋحاناسىنا جەتكىزىلەدى. 8 بالانىڭ 4-ەۋى قازىر ۇيلەرىنە جىبەرىلدى. ال ءۇيدىڭ يەسى مەن 4 بالا اۋرۋحانادا ەم الۋدا.
"السىزدىك, سوتۋراتسيانىڭ ازداپ تومەندەۋى سياقتى كلينيكالىق بەلگىلەرى بار بالالار اۋرۋحاناعا جاتقىزىلدى. 2011 جىلعى بالا ەڭ ۇلكەنى, 7 جاستاعى بالا, 2 جاستاعى بالا جانە 10 ايلىق بالا. قازىرگى تاڭدا ولاردىڭ جاعدايى, تىنىس الۋ جيىلىكتەرى قالىپتى. سوتۋراتسياسى كوتەرىلدى. ينفۋزيوندىق ەم الدى. ەندى ولاردان اناليز الىنىپ, ەمىن جالعاستىرادى", دەدى وبلىستىق كوپبەيىندى بالالار اۋرۋحاناسى ديرەكتورىنىڭ ورىنباسارى گۇلجان ەرمەكباەۆا.