الماتى وبلىسىندا بيىلعى جىلى 12,9 ملرد تەڭگەگە دەنساۋلىق ساقتاۋ سالاسىنىڭ 17 نىسانى سالىنۋدا, 7 نىساننىڭ كۇردەلى جوندەۋىنە 3 ملرد تەڭگە ءبولىندى. بۇل تۋرالى بۇگىن پرەزيدەنت جانىنداعى وكق الاڭىندا وتكەن بريفينگ بارىسىندا الماتى وبلىسىنىڭ اكىمى اماندىق باتالوۆ ايتتى, - دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
"COVID-19 ىندەتى دەنساۋلىق ساقتاۋ سالاسى ءۇشىن ۇلكەن سىن بولدى, قابىلدانعان شارالارعا قاراماستان كادر جەتىسپەۋشىلىگى, قۇرال-جابدىقتار جەتكىلىكسىزدىگى ءالى بار. سوندىقتان جالپى پاندەميامەن كۇرەس شارالارىنا جەرگىلىكتى بيۋدجەتتەن 13,8 ملرد تەڭگە ءبولىندى, سونىڭ 8,8 ملرد تەڭگەسى ەكىنشى تولقىنىنا دايىندىققا قاراستىرىلدى", - دەپ اتاپ ءوتتى ا. باتالوۆ.
ونىڭ ايتۋىنشا, تالدىقورعان قالاسىندا قىسقا مەرزىم ىشىندە 200 توسەكتىك ءمودۋلدى ينفەكتسيالىق اۋرۋحانا سالىندى. ول بارلىق قاجەتتى زاماناۋي قۇرال-جابدىقتارمەن جانە شتاتپەن قامتىلدى. ال ماتەريالدىق قولداۋ كورسەتۋ شەڭبەرىندە 5362 مەديتسينا قىزمەتكەرىنە 4,7 ملرد تەڭگە كولەمىندە ۇستەماقى تولەندى, 1123 مەديتسينا مامانىنا جەرگىلىكتى بيۋدجەتتەن 137 ملن تەڭگە سىياقى بەرىلگەن.