"BANK RBK" اق ديرەكتورلار كەڭەسىنىڭ توراعاسى بولىپ بولات جامىشەۆ سايلاندى, دەپ حابارلايدى Egemen.kz
"Bank RBK" اق 2020 جىلعى 30 قازاندا الماتى قالاسىندا وتكەن بانك اتسيونەرلەرىنىڭ كەزەكتەن تىس جالپى جينالىسىنىڭ شەشىمىمەن بولات جامىشەۆ بانكتىڭ ديرەكتورلار كەڭەسىنىڭ مۇشەسى – تاۋەلسىز ديرەكتورى بولىپ سايلانعانىن حابارلايدى.
بانكتىڭ ديرەكتورلار كەڭەسىنىڭ شەشىمىمەن بولات جامىشەۆ «Bank RBK» اق ديرەكتورلار كەڭەسىنىڭ توراعاسى بولىپ تاعايىندالدى.
بانكتىڭ ديرەكتورلار كەڭەسىنىڭ باسشىسى قىزمەتىنە تاعايىندالعان, جوعارى مەملەكەتتىك قىزمەتتەردە جانە قارجى سەكتورىندا باسشىلىق جۇمىستىڭ اۋقىمدى تاجىريبەسىن يەمدەنەتىن بولات جاميشەۆ قارجى ينستيتۋتىن ستراتەگيالىق دامىتۋ جانە ەلىمىزدىڭ ەڭ ورنىقتى, تۇراقتى جانە سەنىمدى بانكتەرىنىڭ ءبىرى رەتىندە ونىڭ پوزيتسيالارىن نىعايتۋ ماسەلەلەرى بويىنشا جەتەكشىلىك ەتەدى.
سونداي-اق اكتسيونەرلەردىڭ جالپى جينالىسىنىڭ شەشىمىمەن بانكتىڭ تاۋەلسىز ديرەكتورى تورستەن پولدىڭ وكىلەتتىكتەرى ءبىر جىلعا ۇزارتىلدى.
وسىلايشا, جۇزەگە اسىرىلعان وزگەرىستەردىڭ ەسكەرىلۋىمەن, بانكتىڭ ديرەكتورلار كەڭەسى كەلەسى قۇرامدا قالىپتاستىرىلدى: بولات جامىشەۆ (دك توراعاسى), ناتاليا اكەنتەۆا, مۇسابەك الىمبەكوۆ, بولاتبەك جاينازاروۆ, تورستەن پول (دك مۇشەلەرى).
بيوگرافيالىق انىقتاما:ب. جامىشەۆ, ەكونوميكا عىلىمدارىنىڭ كانديداتى, ءارتۇرلى جىلداردا, اتاپ ايتقاندا, كەلەسى لاۋازىمداردى يەمدەندى:• قر ۇلتتىق بانكى توراعاسىنىڭ ورىنباسارى;• قازاقستان رەسپۋبليكاسى قارجى ۇيىمدارىن رەتتەۋ جانە قاداعالاۋ اگەنتتىگىنىڭ توراعاسى;• ەۋرازيا دامۋ بانكىنىڭ باسقارما توراعاسىنىڭ ورىنباسارى; • قر قارجى ءمينيسترى;• قر ايماقتىق دامۋ ءمينيسترى;• "قازاقستاننىڭ دامۋ بانكى" اق باسقارما توراعاسى.
سونىمەن قاتار, ب.جامىشەۆ مەملەكەتتىك سىڭايلى سەكتورداعى كومپانيالاردىڭ, دامۋ ينستيتۋتتارىنىڭ جانە بانك قۇرىلىمدارىنىڭ ديرەكتورلار كەڭەسىندە جۇمىس ىستەۋدىڭ ۇلكەن تاجىريبەسىن يەمدەنەدى.