قۇرلىقتىق حوككەي ليگاسىندا (قحل) كۇش سىناسىپ جۇرگەن "بارىس" تۇراقتى بىرىنشىلىكتىڭ كەزەكتى تۋرىندا ريگانىڭ "ديناموسىن" قابىلدادى, دەپ حابارلايدى Egemen.kz.
نۇر-سۇلتاندا وتكەن باسەكەدە "بارىستىڭ" باسىمدىعى ەش كۇمان تۋعىزعان جوق. ءبىرىنشى كەزەڭ شيەلەنىستى وتكەنىمەن, قوس كوماندا بىرازعا دەيىن ءبىر-ءبىرىنىڭ وسال تۇسىن تابا المادى. تەك كەزەڭنىڭ اياقتالۋىنا ساناۋلى سەكۋندتار قالعاندا لينۋس ۆيدەلل ەسەپ اشتى. بۇل – 35 جاستاعى شۆەتسيالىق شابۋىلشىنىڭ قحل-داعى 100-گولى. كوماندالار ۇزىلىستەن شىققان بەتتە ايدىن يەلەرى ەكىنشى شايبانى قاقپاعا ەنگزىدى. بۇل جولى ۆيكتور سۆەدبەرگتىڭ وڭتايلى پاسىنان كەيىن كەرتيس ۆولك نىسانانى ءدال كوزدەدى. ويىننىڭ 25 مينۋتىندا مەتت فرەتتين جەرگىلىكتى جانكۇيەرلەردى تاعى ءبىر قۋانتتى. وسىلايشا, بۇل كەزدەسۋ 3:0 ەسەبىمەن اياقتالدى.
ەندى ءوزىنىڭ كەلەسى ءۇش كەزدەسۋىن "بارىس" سىرتتا وتكىزەدى. اتاپ ايتساق, 8 قاراشادا چەرەپوۆەتستە "سەۆەرستالعا" قارسى وينايمىز. ال 10 جانە 12 قاراشا كۇندەرى ءياروسلاۆلدىڭ "لوكوموتيۆ" جانە نيجنەكامسكىنىڭ "نەفتەحيميگىمەن" كۇش سىناسامىز.