الماتى وبلىسىندا سۇندەت تويدىڭ قۇرمەتىنە كوكپار تارتقاندار جاۋاپكەرشىلىككە تارتىلدى, دەپ حابارلايدى Egemen.kz
بەلگىلى بولعانعاي, تراسسانىڭ قاق ورتاسىندا ءتارتىپ بۇزعان كوكپارشىلار قاراساي اۋدانىنىڭ تۇرعىندارى بولىپ شىقتى. كوكپارشىلاردىڭ ۆيدەوسى الەۋمەتتىك جەلىگە تاراپ, حالىق نارازىلىعىن تۋدىرتقان ەدى.
"1 قاراشا كۇنى پوليتسياعا الماتى-جاندوسوۆ جولىندا كوكپار ۇيىمداستىرىلىپ جاتقاندىعى جونىندە حابارلاما كەلىپ ءتۇستى. ءتارتىپ ساقشىلارى انىقتاعانداي, ۇلتتىق ويىندى دولان اۋىلىنىڭ 38 جاستاعى تۇرعىنى ۇيىمداستىرعان. ول بەس جاستاعى ۇلىن سۇندەتكە وتىرعىزۋ قۇرمەتىنە كوكپار ۇيىمداستىرعان. ەر ازامات پوليتسيا بولىمىنە جەتكىزىلدى", دەلىنگەن الماتى وبلىستىق پوليتسيا دەپارتامەنتى ءباسپاسوز قىزمەتىنىڭ حابارلاماسىندا.
38 جاستاعى تۇرعىن كارانتين تالاپتارىن بۇزعانى ءۇشىن قر اكىمشىلىك كودەكسىنىڭ 434-بابى 1-تارماعىنا سايكەس جازالاناتىن بولادى. ەندى وعان قاتىستى ءىس ءتيىستى ورگانعا جولداندى.