29 قازاندا ساعات 11.31-دە الماتى وبلىسى تج دەپارتامەنتىنە الماتى وبلىسى ۇيعىر اۋدانىنىڭ شونجى اۋىلىندا دارەتحانا قاعازىن شىعاراتىن تسەحتا قاعاز كەپتىرۋگە ارنالعان قازاندىقتىڭ جارىلعانى جانە ءىشىنارا شاتىردىڭ قۇلاعانى تۋرالى حابارلاما ءتۇستى. وقيعا ورنىندا ءورت بولعان جوق, دەپ حابارلايدى Egemen.kz توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
قر تجم رەسمي وكىلى تالعات ءۋاليدىڭ ايتۋىنشا, اپاتتى جاعدايدىڭ سالدارىنان 1983 جىلى تۋعان ءبىر جۇمىسشى قايتىس بولدى ء(ۇيىندىنىڭ استىندا قالدى, تجد كۇشتەرى شىعارىپ الدى). ال 1999 جىلى تۋعان تاعى ءبىر جۇمىسشى ءتۇرلى جاراقاتپەن ۇيعىر اۋدانىنىڭ ورتالىق اۋرۋحاناسىنا جەتكىزىلدى.
تسەحتىڭ اۋدانى 200 شارشى مەتردى قۇرايدى. اپات ورنىنىڭ كولەمى 25 شارشى مەتر. تسەحتىڭ توبەسى شاتىر تۇرىندە جاسالعان, ءبىر قاباتتى, ءپروفيلدى جابىندىمەن جابىلعان, قابىرعالارى سپليتەرلىك بلوك.
الدىن الا بولجام بويىنشا اپاتتى جاعداي ءوندىرىس تەحنولوگياسىنىڭ بۇزىلۋى سالدارىنان ورىن العان.