بۇگىندە ەلىمىزدە 120-130 قار بارىسى بار. بۇل تۋرالى ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ ءوزىنىڭ Twitter پاراقشاسىندا جازدى, دەپ حابارلايدى Egemen.kz
"بۇگىن, ياعني 23 قازان كۇنى حالىراقالىق قار بارىسى كۇنى اتالىپ وتۋدە. قازاقستاندا 120-130 باس ءىلبىس بار دەسەك, ولاردىڭ سانى جىل سايىن ازايىپ كەلەدى. بارىستىڭ فوتوتۇزاققا ءتۇسىپ قالاتىن سيرەك كادرلارى جىرتقىش اڭنىڭ پوپۋلياتسياسىن زەرتتەۋدە وتە باعالى. مۇنداي اتاۋلى كۇن قار بارىسى مەن ونىڭ مەكەن ەتۋ ورتاسىن ساقتاپ قالۋ پروبلەماسىنا قوعام نازارىن كوبىرەك اۋدارۋعا سەپتىگىن تيگىزەتىنىنە سەنەمىن", دەپ جازدى مينيستر.
قار بارىسى نەمەسە ءىلبىس – قازاقستانداعى مىسىق تۇقىمداستارعا جاتاتىن ەڭ ءىرى اڭ. ولار ءالى كۇنگە دەيىن ىلە الاتاۋىن مەكەندەيدى. بارىس تاۋدان تومەن تۇسكەن جوق, بىراق قالاداعى قۇرىلىس مۇزدىقتارعا جاقىنداپ بارادى. بارىستى كولساي كولىنەن, قاسكەلەڭ, وتپەلى شاتقالىنان, ايۋسايدان, بۋتاكوۆكا مەن كىماسار شاتقالدارى بيىگىنەن بايقاۋعا بولادى.
تاۋەلسىزدىكتىڭ باستاپقى جىلدارىندا الماتىدا جاڭا ەلتاڭبا پايدا بولدى. تاۋلاردا بارىس سيرەك كەزدەسەدى, جاسىرىن جۇرەدى. ولاردى ادامدار ىعىستىرىپ تاستاعان. بۇل ءتۇر وڭتۇستىك جانە ورتالىق ازيانىڭ 12 مەملەكەتىندە تىرشىلىك ەتەدى. بۇۇ دەرەگى بويىنشا, قىتايدا عانا بىرنەشە مىڭ پوپۋلياتسيا بار. قالعان ەلدەردە ونداعان, جۇزدەگەن بارىس ساقتالعان. جابايى تابيعاتتا جاعدايى جاقسى بولسا التى مىڭنان استام قار بارىسى تىرشىلىك ەتە الادى.