قۇرلىقتىق حوككەي ليگاسىنىڭ (قحل) كەزەكتى تۋر ويىنىن نۇر-سۇلتاننىڭ "بارىسى" ۋفادا جەرگىلىكتى "سالاۆات يۋلاەۆقا" قارسى وتكىزدى, دەپ حابارلايدى Egemen.kz.
باسەكەنىڭ العاشقى 20 مينۋتىندا قوس كوماندا ءبىر-ءبىرىن الا المادى. ۇزىلىستەن كەيىن ايدىن يەلەرى ءبىزدىڭ قاقپامىزعا قاتارىنان ەكى شايبانى ەنگىزدى. بۇل گولداردىڭ اۆتورلارى – شاكىر مۇحامادۋللين(24 مينۋت) مەن الەكساندر الەكسەەۆ (33 مينۋت).ەسەسىنە ءۇشىنشى كەزەڭدە "قاھارىنا" مىنگەن قوناقتار تارازى باسىن تەڭەستىردى. 42 مينۋتتا ماكسيم مۋسوروۆ ەسەپ ايىرماشىلىعىن قىسقارتسا, 49 مينۋتتا داررەن ديتس نىسانانى ءدال كوزدەدى. وسىلايشا, ويىن وۆەرتايمعا ۇلاستى. قوسىمشا ۋاقىت باستالعان بەتتە جەرلەستەرىمىز ءبىر ويىنشىنىڭ كوپتىگىن ۇتىمدى پايدالانىپ, 61 مينۋتتا رومان ستارچەنكو جەڭىس گولىن سوقتى. ەسەپ – 2:3.
ءوزىنىڭ كەلەسى كەزدەسۋىن "بارىس" ماسكەۋدە جەرگىلىكتى "سپارتاك" كلۋبىنا قارسى وتكىزەدى.