ارقالىق قۇس فابريكاسى ءوز جۇمىسىن توقتاتادى

قازاقستاندا جوعارى پاتوگەندى قۇس تۇماۋىنىڭ تارالۋىنا بايلانىستى كاسىپورىندا قۇستار جاپپاي قىرىلدى. قۇس فابريكاسىندا ىندەت باستالعانعا دەيىن قۇس باسىنىڭ جالپى مولشەرى 502 600 باستى قۇراعان.

قولدانىستاعى نورمالارعا سايكەس, قۇس اۋرۋى كەزىندە الىپ تاستاۋ جانە جويۋ ماسەلەلەرى قازاقستان رەسپۋبليكاسى اۋىل شارۋاشىلىعى مينيسترلىگىنىڭ ۆەتەريناريالىق باقىلاۋ جانە قاداعالاۋ كوميتەتىمەن, اۋىل شارۋاشىلىعى مينيسترلىگىنىڭ رەسپۋبليكالىق ەپيزووتياعا قارسى بولىمىمەن قارالادى – ولار نەگىزگى ۋاكىلەتتى ورگاندار بولىپ تابىلادى.  بىراق بۇگىنگى كۇنگە دەيىن اتالعان مەملەكەتتىك ورگاندار جويۋ پروتسەسىن سوزىپ, ارەكەت ەتپەي وتىر.

ء"بىز بىردە-ءبىر الىپ تاستاۋ اكتىسىن دە, جويۋ اكتىسىن دە العان جوقپىز, ءبىز الىپ تاستاۋ تۋرالى بىردە-ءبىر قاۋلى العان جوقپىز, ءبىزدىڭ فابريكادا اشىق اۋادا ءالى دە 70 مىڭ باسقا جۋىق قۇستار جاتىر. ءبىز جاي عانا قۇستاردى جويۋعا بار كۇشىمىزبەن كومەكتەسىپ جاتىرمىز, بىراق مەملەكەتتىك ورگاندارسىز جويۋدى ءوز بەتىنشە جۇرگىزۋگە قۇقىعىمىز جوق. وكىنىشكە قاراي, مەملەكەتتىك ورگانداردان قولدانىستاعى ەرەجەلەر شەڭبەرىندە ۋاقىتىلى ارەكەت ەتۋىن, ءتيىستى رەسىمدەۋىن, وتەماقى مەن كومەك تولەۋىن كۇتۋدىڭ قاجەتى جوق ەكەندىگى تۇسىنىكتى بولىپ وتىر, سوندىقتان ءبىز فابريكانىڭ جۇمىسىن تولىعىمەن توقتاتا تۇرۋعا جانە قىزمەتكەرلەردى قىسقارتۋعا ءماجبۇرمىز. بۇگىنگى تاڭدا ءبىز قىزمەتكەرلەرگە قىركۇيەك ايىنا تولىق جالاقى تولەدىك, كرەديتورلارمەن ەسەپ ايىرىسۋعا, كوممۋنالدىق تولەمدەر مەن سالىقتاردى تولەۋگە نيەتتىمىز. ءولىم-جىتىمنەن تۋىنداعان تىكەلەي زالال سوماسى 554,7 ملن تەڭگەنى, الىنباي قالعان جۇمىرتقادان ۇتىلعان پايدا سوماسى 356,0 ملن تەڭگەنى, بانك پەن جەتكىزۋشىلەر الدىنداعى بورىشتار 500 ملن تەڭگەدەن استام سومانى قۇرادى", - دەدى كاسىپورىننىڭ قۇرىلتايشىسى جانە ينۆەستورى الەكساندر لورەنتس.

كاسىپورىننىڭ قىزمەتىن قايتا باستاۋعا كەمىندە ءبىر جىل قاجەت بولادى. بۇل ءۇشىن قاجەتتى سالىمداردىڭ مولشەرى شامامەن 1,5 ميلليارد تەڭگەنى قۇرايدى. ينۆەستور ءۇشىن نەگىزگى ماسەلەلەر - ءوندىرىستى قايتا باستاۋ ءۇشىن مۇنداي اقشانى قايدان الۋعا بولادى جانە اشم-ءنىڭ جۇمىرتقا قۇس فابريكالارىنا قاتىستى وزگەرگەن ساياساتىن ەسكەرە وتىرىپ, مۇنى ىستەۋ تۇرارلىق پا.

ارقالىقتاعى قۇس فابريكاسى 1970 جىلدان بەرى جۇمىس ىستەپ كەلگەن. قىزمەتى 1992 جىلى توقتاتىلعان. گەرمانيادان كەلگەن ينۆەستور الەكساندر لورەنتستىڭ كۇشىمەن كاسىپورىندى قالپىنا كەلتىرۋ 2008 جىلدىڭ جازىندا, "اگروينتەرپتيتسا" جشس قۇرىلعان كەزدە باستالدى. 2009 جىلى, 20 جىلعا جۋىق ۇزىلىستەن كەيىن, ءوندىرىس قايتا ىسكە قوسىلدى. 2017 جىلى فابريكا جىلىنا 123 ملن دانا جۇمىرتقا شىعارا باستادى.