87-ءشى تەاتر ماۋسىمى " ۇلى ابايعا تاعزىممەن" باستالادى

«تەاتر 75 جىلدان بەرى ءوز ماۋسىمىن ۇلتتىق مۋزىكالىق ونەردىڭ ءىنجۋ-مارجانى احمەت جۇبانوۆ پەن لاتيف ءحاميديدىڭ «اباي» وپەراسىمەن اشىپ كەلەدى. ال بيىلعى وسى ءداستۇردى ساقتاپ قالۋ ماقساتىندا شىعارماشىلىق ۇجىم قازاقتىڭ ۇلى اقىنىنىڭ 175 جىلدىعىنا ارنالعان « ۇلى ابايعا تاعزىم!» قويىلىمىندا كورەرمەن ءسۇيىپ تىڭدايتىن اريالار, دۋەتتەر جانە «اباي» وپەراسىنان كورىنىستەرمەن قاتار, قازاقستاندىق كومپوزيتورلار مۇقان تولەباەۆ, لاتيف حاميدي, سىزدىق مۇحامەدجانوۆ, ەركەعالي راحماديەۆ, نۇرعيسا تىلەنديەۆ, قاپان ءمۋسيننىڭ اندەرى مەن رومانستارىنىڭ پرەمەرالىق ورىنداۋلارىن تىڭداۋعا بولادى. بۇل تۋىندىلار سيمفونيالىق وركەستردىڭ اۋەنىمەن بۇرىن-سوڭدى ورىندالعان ەمەس. سوندىقتان جاڭا ارانجيروۆكا مەن اندەردىڭ جاڭاشا وقىلۋى تىڭداۋشىلارىمىزدىڭ جۇرەگىنە جەتىپ, ۇلتتىق ۆوكالدىق مۇرانىڭ التىن قورىن ايتارلىقتاي بايىتا تۇسەدى دەپ ۇمىتتەنەمىز», –  دەيدى تەاتر ديرەكتورى ايا قاليەۆا.

قازان ايى تەاتر كورەرمەندەرى ءۇشىن رەسەيلىك رەجيسسەر الەكسەي سميرنوۆ پەن سۋرەتشى ەلەنا بودروۆانىڭ دۋەتىندەگى, گريگوري ءفريدتىڭ «اننا فرانك كۇندەلىگى» مونو وپەراسىنىڭ پرەمەراسىمەن جالعاسىن تابادى. سپەكتاكل 13 جاسار ءجاسوسپىرىم قىزدىڭ كۇندەلىگى نەگىزىندە قويىلعان. شىعارما سوعىستىڭ ادامگەرشىلىككە جاتپايتىن بەت-بەينەسىن اشكەرەلەيتىن ۇلكەن ادامزات تراگەدياسىنىڭ تاريحي قۇجاتىنا اينالدى. بيىلعى جىلى ءىى دۇنيەجۇزىلىك سوعىسقا جانە اننا فرانكتىڭ ومىردەن وتكەنىنە 75 جىل تولدى. ونىڭ بالا كۇندەلىگىندە جازىلعان جازبالارى شەبەر جازىلعان ءارى وقىرمانىن تاڭعالدىرماي قويمايدى. بۇگىندە «اننا فرانك كۇندەلىگى» دۇنيەجۇزىلىك مادەني قازىناعا اينالىپ, الەمنىڭ 70 تىلىنە اۋدارىلعان شىعارما يۋنەسكو باعدارلاماسىنىڭ «الەم جادى» تىزىمىنە ەندى.

ايا قاليەۆا وپەرانىڭ مۋزىكالىق ءتىلى قاراپايىم ەمەس, ويتكەنى ول كلاسسيكالىق جانە زاماناۋي كومپوزيتورلىق ستيل توعىسىندا جازىلعان. سوندىقتان باستى كەيىپكەردىڭ پارتياسىن ورىنداۋشىلاردان جوعارى ۆوكالدىق داعدى تالاپ ەتىلەدى. مۋزىكالىق جەلىنىڭ كومەگىمەن كومپوزيتور ءجاسوسپىرىمنىڭ كوڭىل-كۇيىندەگى ايىرماشىلىقتاردى بارىنشا جەتكىزۋگە تىرىسادى, دەپ اتاپ ءوتتى.

وپەراداعى باستى پارتيالاردى ماوبت سوليستەرى ۆەنەرا الپىسباەۆا (سوپرانو) جانە ناديا نادەنوۆا (سوپرانو) ورىندايدى. وپەرانىڭ قويۋشى ديريجەرى - قازاقستاننىڭ ەڭبەك سىڭىرگەن قايراتكەرى ەربولات احمەدياروۆ.

قازىرگى كەزدە تەاتر كورەرمەنىمەن كوپتەن كۇتكەن كەزدەسۋگە دايىندىق ۇستىندە. قويىوىم بارىسىندا كورەرمەن قاۋىپسىزدىگى مەن الەۋمەتتىك قاشىقتىق تالاپتارى ەسەرىلەتىن بولادى.

الماتى