بۇگىندە قاراعاندى وبلىسى, اباي اۋدانى توپار جانە وساكاروۆكا ەلدى مەكەندەرىندەگى وبلىستىق اۋرۋحانالاردىڭ بازاسىندا ەكى جاڭا گەمودياليز ورتالىعى ىسكە قوسىلدى, دەپ حابارلايدى Egemen.kz دەنساۋلىق مينيسترلىگىنە سىلتەمە جاساپ.
بۇرىن سوزىلمالى بۇيرەك جەتكىلىكسىزدىگىمەن اۋىراتىن ناۋقاستار ەمدەلۋ ءۇشىن كوپ ۋاقىتتى, كۇش پەن رەسۋرستاردى جۇمساۋعا ءماجبۇر بولاتىن. ولارعا بۇعان دەيىن قاراعاندى قالاسىندا قىزمەت كورسەتىلىپ كەلگەن. الايدا بۇل ماسەلە ەندى عانا ءىس جۇزىندە شەشىمىن تاپتى.
جوبالار مەملەكەتتىك-جەكەمەنشىك سەرىكتەستىك ارقىلى جۇزەگە اسىرىلدى. تيىسىنشە, پاتسيەنتتەر پروتسەدۋرانى جاقىن ماڭداعى ورتالىقتان الادى.
ايتا كەتۋ كەرەك, اباي اۋدانىندا سوزىلمالى بۇيرەك جەتكىلىكسىزدىگىمەن 20 ناۋقاس تىركەلگەن. ال ورتالىق كۇنىنە 15 ادامدى قابىلداي الادى.
وساكاروۆ اۋدانىندا وسى دەرتپەن اۋراتىن 10 ادام تىركەلگەن, ال ورتالىق ءبىر اۋىسىمدا 30 كەلۋشىگە قىزمەت كورسەتە الادى. وسىنداي مەديتسينالىق ورتالىقتار قازىردىڭ وزىندە وبلىستىڭ باسقا ايماقتارىندا جۇمىس ىستەيدى. بۇعان دەيىن ولار جاڭاارقا وڭىرىندە جانە ساران جانە ساتپاەۆ قالالارىندا اشىلعان بولاتىن.
جاقىن ارادا ورتالىق قارقارالىدا اشىلادى. وبلىستا بارلىعى 13 گەمودياليز ورتالىعى جۇمىس ىستەيدى.