شاكiرتتەرiن بiلiم نارiمەن سۋسىنداتىپ, ءتالىم-ءتاربيe بەرۋ, جاقسى قاسيeتتەردى بويىنا دارىتىپ, ادامگەرشىلىك رۋحتا باعىت-باعدار بەرۋدe ۇستaزدىڭ ەڭبەگi زور. سوندىقتان دا ول ءاردايىم قۇرمەتتى تۇلعا رەتىندە ەرەكشەلەنەدى.
ۇستaز تاۋدaن ارقىرaي اققaن تاۋ وزەنى سەكiلدى, اينالاسىنا قۋات بەرىپ, جولىندا كەزدەسكەندەردى سۋىمەن نارلەندىرىپ, تاۋداي قيىندىقتاردى تاستاي دومالاتىپ, ءبىلىمنىڭ سار دالاسىندا تىنىشتىق تاۋىپ, دامىلدايدى. ۇستاز – جەر دەگەن الەمنىڭ بەتىن كوركەيتكەن, شاكىرتتەرىنە شۋاق توككەن كۇن-انا ءتارىزدى. ۇستاز – اقىلدىڭ توزبaيتۇعىن اسىلى. جىلدا جاڭا وقۋ جىلىمەن قاتارلاس كەلەتىن ۇستازدار كۇنى دە كۇزدىڭ ۇلەسىنە تيەدى. ەلىمىزدە قازان ايىنىڭ ءبىرىنشى جەكسەنبىسى ۇستازدار كۇنى رەتىندە مەرەكەلەنىپ كەلەدى. جاس ۇرپاقتىڭ ساناسىنا سىنالاي ەنگىزەتىن ءتالىم-تاربيە, ۇلگى-ونەگە ولشەۋسىز.
سىرتتاي قاراپايىم بولعانىمەن, تاريحتاعى ۇلى ءىستى اتقارىپ جۇرگەن جۇمىس – ۇستازدىكى. بىلىممەن باۋلىپ, بيىككە ۇشىراتىن وقۋشىلارىنىڭ وقۋدا وزات, ومىردە پاتريوت بولۋى ۇستازدىڭ ۇستانىمىنا بايلانىستى. ماماندىق كوپ. بىراق ماماندىقتىڭ ءتۇرلى بولعانى ماڭىزدى ەمەس, قانشا ماماندىق بولسا دا ءسىزدى مامان قىلاتىن تاعى دا ۇستاز. مەيلى ءسىز عالىم بولىڭىز, جۇلدىز, ءتىپتى بەدەلدى ازامات, پرەزيدەنت بولىپ كەتسەڭىز دە ءسىزدى وسى ومىرگە جەتەلەگەن, وسى شىڭعا جەتۋگە سەبەپشى بولعان ۇستازدى ۇمىتۋعا قاقىڭىز جوق. ونىڭ ەڭبەگىن سىيلاۋ, وعان قۇرمەت كورسەتۋ – سول ادامعا دەگەن سىي-سياپات ەمەس, ءسىزدىڭ تاربيەلى, ءتالىمدى تۇلعا بولعانىڭىز. «ادامنىڭ ادامشىلدىعى جاقسى ۇستازدان» دەپ اباي حاكىم ايتپاقشى, ءاربىر ءىسىڭىز جەڭىسكە جەتىپ جاتسا, ونىڭ ارتىندا ۇستازدىڭ ءبىر تامشى بولسا دا ەڭبەگى بارىن ەستە ساقتاڭىز.
انار سولتانوۆا,
كوكتوبە جالپى ورتا ءبىلىم بەرەتىن مەكتەپتىڭ مۇعالىمى
پاۆلودار وبلىسى,
ماي اۋدانى