پرەزيدەنتتىك كادر رەزەرۆىنىڭ جەڭىمپازى "ادالدىق ساعاتىن" وتكىزدى

رەنات بەكتۇروۆ 1984 جىلى 13 قازاندا الماتى وبلىسىندا دۇنيەگە كەلگەن. Astana International Exchange باسقارما مۇشەسى.قارجىلىق قىزمەت كورسەتۋ سالاسىندا 10 جىلدان اسا جۇمىس تاجىريبەسى بار. ول تمد ايماعىنداعى سۋكۋك (يسلام باعالى قاعازدارى) العاشقى شىعارىلىمى سياقتى بورىشتىق كاپيتال نارىعىنداعى بىرقاتار ماڭىزدى مامىلەلەرگە قاتىسقان.

رەنات لەستەر ۋنيۆەرسيتەتىن ۇزدىك ءبىتىرىپ, بانك ءىسى جانە قارجى سالاسىندا ماگيستر دارەجەسىن يەلەنگەن, سونداي-اق سەرتيفيكاتتالعان قارجى اناليتيگى دارەجەسىنە يە (CFA Charter Holder).پرەزيدەنتتىك جاستار كادر رەزەرۆىندە ءبىرىنشى ورىنعا يە بولدى. ر.بەكتۇروۆ ءوز سوزىندە ۇلى ابايدىڭ تاعىلىمىن العا تارتىپ, "پاراسات دەگەن تالاپ, ەڭبەك, تەرەڭ وي, قاناعات, راحىم سياقتى ادامي قاسيەتتەردىڭ جيىنتىعى", دەدى.

سونداي-اق جاستاردى تاباندى ەڭبەك ەتۋگە, تۇلعالىق دامۋعا جانە پاتريوت بولۋعا شاقىردى. ونىڭ پىكىرىنشە, جەتىستىكتىڭ قۇپيا تۇزدىعى – ساتتىلىك, بىراق نەگىزگى قۇرامداس بولىگى – ەڭبەك.ول ءوزىنىڭ جەكە ءومىرى مەن مانسابىندا جەتىستىككە جەتۋگە مۇمكىندىك بەرگەن ادىلەتتىلىك پەن ادالدىق سياقتى ومىرلىك قۇندىلىقتارىمەن ءبولىستى.

بەينە-ءدارىس بارىسىندا كورەرمەندەر قانداي مەكتەپ مۇعالىمى ومىرىنە اسەر ەتكەنىن, ونىڭ ويىنشا جاستار ءۇشىن ساتتىلىكتىڭ كەپىلى نە ەكەنىن جانە زياتكەرلىك ۇلتتى قانداي قاسيەتتەردى انىقتايتىنىن ءبىلدى. بارىمىزگە بەلگىلى, "ادالدىق ساعاتى" اكتسياسىنىڭ نەگىزگى ماقساتى – وسكەلەڭ ۇرپاقتىڭ بويىندا سىبايلاس جەمقورلىققا قارسى مادەنيەتتى قالىپتاستىرۋ جانە ادالدىق, ادىلدىك, يناباتتىلىق جانە سەنىم سياقتى ەڭ ماڭىزدى ادامگەرشىلىك قۇندىلىقتاردى دارىتۋ.