قۇرلىقتىق حوككەي ليگاسىندا (كحل) باق سىنايتىن ەلوردانىڭ «بارىس» حوككەيشىلەرىنەن كوروناۆيرۋس ىندەتى تابىلىپ, ەكى اپتاعا كارانتينگە جابىلعانى بەلگىلى.
قحل باسشىلىعى دەر كەزىندە شۇعىل شەشىم قابىلداپ, «بارىستىڭ» التى ويىنىن بەلگىسىز مەرزىمگە اۋىستىرعان-دى. ەلوردا كومانداسىنىڭ ءباسپاسوز قىزمەتى بۇگىندە التى ماتچتىڭ تورتەۋىنىڭ ۋاقىتى بەلگىلى بولعانىن حابارلادى.
اتاپ ايتار بولساق, سىرت ايدىندا وتەتىن «سوچيگە» قارسى كەزدەسۋ 28 قازانعا, «كۋنلۋنمەن» بولاتىن ويىن 19 جەلتوقسانعا جانە «مەتاللۋرگكە» قارسى ماتچ 2021 جىلدىڭ 3 اقپانىنا جوسپارلانعان. ال 3 قاراشادا «بارىس» ەلوردادا ريگانىڭ «ديناموسىن» قابىلدايدى.