قاراعاندى وبلىسىنىڭ جەكە سوت ورىنداۋشىلارى قاراعاندى وبلىسى ادىلەت دەپارتامەنتىنىڭ كومەگى نەگىزىندە اليمەنت بويىنشا مىندەتتەمەلەرىن ورىنداماعان بورىشكەرلەرگە قاتىستى قىلمىستىق جاۋاپكەرشىلككە تارتۋ شارالارىن جۇزەگە اسىرۋعا كىرىستى.
2020 جىلدىڭ 20 تامىزىندا قاراعاندى وبلىسى كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتىنىڭ ۇكىمىمەن بورىشكەر ا.احمەتوۆ (فاميلياسى وزگەرتىلگەن) قىلمىستىق كودەكستىڭ 139-بابىنا سايكەس كىنالى دەپ تانىلعان.
ۇكىم بويىنشا بورىشكەردىڭ 1 جىلعا بوستاندىعى شەكتەلىپ, تاعايىندالعان بارلىق مەرزىمگە پروباتسيالىق باقىلاۋ قويىلىپ, جازا مەرزىمى بويىنشا 100 ساعات ماجبۇرلەپ ەڭبەككە تارتىلعان. اتالعان ۇكىم 2020 جىلدىڭ 4 قىركۇيەگىندە كۇشىنە ەندى.
بورىشكەردىڭ اليمەنت بويىنشا بەرەشەك سوماسى 2 811 364 تەڭگەنى قۇراعان. سوتتالۋشى بورىشكەر بىرنەشە جىل بويى كامەلەتكە تولماعان بالالارىن اسىراۋ ءۇشىن اليمەنت بويىنشا ءوز مىندەتتەرىن ورىنداماعان.