جۇقپالى ىندەتپەن كۇرەس جەتىسۋدا قالاي جۇرۋدە؟

وبلىستىق دەنساۋلىق ساقتاۋ باس­قارماسىنىڭ مالىمەتىنشە, اي­ماق­تاعى ىندەتپەن كۇرەس جۇمىسى قا­­لىپتى ءجۇرىپ جاتىر. قازىر بار­­لىق ەمحانا مەن اۋرۋحانا نە­گىزگى قىزمەتىن اتقارۋدا. وڭىر­دەگى «جەدەل جاردەم» ستانساسى دا قالىپ­تى رەجىمدە جۇمىس ىستەپ تۇر.

– بۇگىنگە دەيىن وبلىستا تۇر­عىند­ار تاراپىنان شاعىم­دانۋ­شىلار كوپ بولعانىمەن, اۋرۋحانا­لار­دا ورىن تاپشىلىعى سەزىلە قوي­عان جوق. ادامداردىڭ ءوز دەن­ساۋ­لىعىنا الاڭداۋى ورىندى. سون­دىقتان كەز كەلگەن سۇراق بويىنشا ەمدەۋشى دارىگەر مەن «جەدەل جاردەم» قىزمەتىنە حابار­لاسۋ­شىلاردىڭ سانى ارتقانى انىق. مۇنداي جاعدايدىڭ تالدىقورعان قالاسى بويىنشا كوبەيگەنى باي­قالدى. بىراق دارىگەرلەر ءار شا­عىم بويىنشا جۇمىس ىستەپ جاتىر. «جەدەل جاردەم» قىزمەتى اسا اۋىر جاعدايداعى ناۋقاستارعا ءبى­­رىن­شى كەزەكتە كومەك كورسەتۋدە. قالا اۋرۋحانالارىندا ورىن سانى جەت­كىلىكتى. ناۋقاستىڭ سيپاتىنا قاراي اۋرۋحانالارعا ءبولىپ ورنا­لاستىرۋ قولعا الىنعان, – دەدى وبلىستىق دەنساۋلىق ساقتاۋ باس­قار­ماسىنىڭ ءباسپاسوز حاتشىسى ءلايلىم اۋباكىروۆا.

الايدا, وبلىس ورتالىعىن­داعى جاعداي باقىلۋدا بولعانى­مەن,

2 ملن تۇرعىنى بار وبلىس­تاعى اح­­ۋال­دى تولىق وڭ باعالاۋعا كەل­­­مەيدى. اسىرەسە اۋىلدىق ءوڭىر تۇر­­عىندارى تاراپىنان مەديتسي­­نا مەكەمەلەرىنە كومەك سۇراپ كەلۋ­شىلەر سانى ارتتى. مۇنداي جاعداي الماتى قا­لاسى ماڭىنداعى اۋدانداردا باي­قالىپ وتىر. مىسالى, ىلە, تالعار, ەڭبەكشىقازاق, قاراساي اۋدان­دارىنا قاراستى اۋىلداردىڭ تۇر­عىندارى مامان دارىگەرلەردىڭ تاپ­­شى­لىعى مەن «جەدەل جار­دەم» ستان­ساسىنىڭ جۇمىسىنا كوڭىلى تول­مايتىنىن ايتىپ, شاعىم­دانۋ­دا. جەكەلەگەن اۋدانداردا «جەدەل جاردەم» قىزمەتىنىڭ ءبىر بريگاداسى 10 مىڭ تۇرعىنعا قىزمەت كورسەتۋگە ءماجبۇر بولىپ وتىر. سونداي-اق وبلىستىڭ دەنساۋلىق ساقتاۋ سالاسىندا كادر تاپشىلىعى قات­تى سەزىلەدى. بۇعان دەيىن وبلىس اكى­مىنىڭ ەسەبىندە ايماقتا 214 ما­مان­عا سۇرانىس بار ەكەنى ماسەلە رەتىندە كوتەرىلگەن ەدى.

سوعان قاراماستان دارىگەرلەر دەرتپەن كۇرەستە بارلىق مۇمكىن­دىكتى پايدالانۋدا. ولاردىڭ قاتا­رىندا قاپشاعاي قالاسىنىڭ اق جە­لەڭدى ابزال جاندارى دا بار. دەرەك بويىنشا, قازىرگە دەيىن قاپ­شاعاي قالاسىندا 170 ادام «ۆي­رۋس­تىق پنەۆمونيا» دياگنوزى­مەن اۋرۋحاناعا جاتقىزىلعان. قالا­داعى اۋرۋحانانىڭ تەراپيا جانە بالالار اۋرۋلارى بولىم­شە­لەرى قايتا جابدىقتالىپ, پرو­ۆي­زور­لىق بولىمگە اينالىپ, ورىن سانى 180 توسەككە دەيىن كوبەي­گەن. بار­لىق پالاتادا وتتەگى تاسى­مال­داي­­­تىن باللون ورناتىلعان. قالا بو­يىن­شا 7 «جەدەل جاردەم» كولىگى تۇ­راقتى ءجۇرىپ تۇر ەكەن. پان­­فيلوۆ اۋدانىندا دا ىندەتكە قار­سى جۇ­مىستار الگوريتم بويىنشا جۇر­گىزىلۋدە. ەلدى مەكەندەردە تاۋلىك بويى كەزەك­شىلىك ۇيىم­داستىرىلعان.

– اۋدان بويىنشا 3 جەدەل توپ قۇرىلعان. ولاردىڭ نەگىزگى جۇمىسى كۇندەلىكتى مونيتورينگ جاساۋ. اۋىر جاعدايداعى ناۋقاس­تاردى قاراپ, الگوريتم بويىن­شا قانداي تەكسەرۋلەر جاساۋ قاجەت­تىگىن جانە ەمدەلۋ باعىت­تارىن اي­قىندايدى. اۋداندا 30 ورىن­دىق گوسپيتال, 20 ورىندىق پروۆيزور­لىق ءبولىم جۇمىس ىستەيدى. اكىم­شىلىك مەديتسينا قىزمەتكەرلەرىنە قولداۋ كورسەتىپ وتىر. جۇمىس­قا شىققان قىزمەتكەرلەردىڭ بار­لىعى قوناقۇيگە ورنالاستىرىلدى. ولاردى تاسىمالداۋعا ار­نايى كولىك بەكىتىلىپ, كۇندەلىكتى مەديتسينا كوللەدجىنىڭ 12 ستۋدەنتى ۆولونتەرلىك كومەك كورسەتۋدە. ياعني ەرىكتىلەر ناۋقاستارعا ۇيىنە تەگىن الاتىن دارىلەرىن جەتكىزىپ بەرۋ, باسقا دا قىزمەتتەرگە كومەك­تەسەتىن بولادى, – دەيدى پانفيلوۆ اۋدانى اكىمىنىڭ ءباسپاسوز حاتشىسى نۇربول قاناعات.

الماتى وبلىسى