IT مەن كرەاتيۆتى يندۋسترياعا باسىمدىق بەرە وتىرىپ, قالا ەكونوميكاسىندا "قۇرىلىمدىق مانەۆردى" دامىتۋ ءۇشىن ينفراقۇرىلىمدىق جوبالاردى جۇزەگە اسىرماقپىز. بۇعان جەكە كاپيتال دا قاتىستىرىلادى. بۇل تۋرالى الماتى قالاسىنىڭ اكىمى باقىتجان ساعىنتاەۆ ءوزىنىڭ Instagram-داعى پاراقشاسىنا جازدى, دەپ حابارلايدى Egemen.kz
"بۇگىن المالى اۋدانىندا IT مەن كرەاتيۆتى حاب قۇرۋ جوباسىنىڭ ىسكە اسىرىلۋ بارىسىمەن تانىستىم. ينۆەستور جامبىل رەۆشانوۆ تەحنولوگيالىق كرەاتيۆتى كومپانيالار ءۇشىن اۋدانى 9 مىڭ شارشى مەتر جانە اۋدانى 4 مىڭ شارشى مەتر ONE Academie Informatique ءبىلىم بەرۋ ورتالىعى ءۇشىن كەڭسە كەڭىستىگىنىڭ قۇرىلىسىن جۇرگىزۋدە", دەيدى باقىتجان ساعىنتاەۆ.
باقىتجان ساعىنتاەۆتىڭ ايتۋىنشا, ءبىلىم بەرۋ ورتالىعى جوباسى فرانتسۋز باعدارلاماشىسى, پەداگوگ نيكوليا ساديراك جانە 01 educational platform-مەن ىنتىماقتاستىقتا جۇزەگە اسادى.
"ونىڭ بىرەگەيلىگى سول باعدارلامالاۋ, دەرەكتەردى تالداۋ, ماشينالىق وقىتۋ الگوريتمدەرى, كيبەرقاۋىپسىزدىك, قوسىمشالاردى ازىرلەۋ وقىتۋشىسىز جانە دارىستەرسىز جۇرگىزىلەدى. جاسوسپىرىمدەر پراكتيكالىق ماسەلەلەردى شەشۋمەن قاتار, IT نەگىزدەرىن وزدىگىنەن ۇيرەنىپ, بۇل سالاعا ەندى كەلگەندەرگە كومەكتەسەدى. 1,5-2 جىلدىڭ ىشىندە 18-42 جاس ارالىعىنداعى 800-گە جۋىق ماماندى دايارلاۋ جوسپارلانىپ وتىر", دەيدى قالا اكىمى.