مادەنيەت جانە سپورت مينيسترلىگىنىڭ ءتىل ساياساتى كوميتەتى ش.شاياحمەتوۆ اتىنداعى ء«تىل-قازىنا» ۇلتتىق عىلىمي-پراكتيكالىق ورتالىعىنىڭ ۇيىمداستىرۋىمەن قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا جانىنداعى تەرمينولوگيالىق جۇمىس توبىنىڭ «تەرمينولوگيانى بىرىزدەندىرۋدىڭ كريتەريلەرى مەن پرينتسيپتەرى» ادىستەمەلىك نۇسقاۋلىق جوباسىن تالقىلاۋ» تاقىرىبىندا ونلاين وتىرىسى ءوتتى, دەپ حابارلايدى Egemen.kz.
ونلاين وتىرىستىڭ كوزدەگەن ماقساتى قازاق ءتىلى ءالىپبيىن لاتىن گرافيكاسىنا كوشىرۋ كەزەڭىندە تەرمينولوگيانى بىرىزدەندىرۋدىڭ عىلىمي-ادىستەمەلىك نەگىزدەرىن ايقىنداۋ بولاتىن. باسقوسۋدا قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا جانىنداعى تەرمينولوگيالىق جۇمىس توبى فيلولوگيا عىلىمدارىنىڭ دوكتورى, قر ۇعا-نىڭ اكادەميگى ش.قۇرمانباي ۇلى ازىرلەگەن «تەرمينولوگيانى بىرىزدەندىرۋدىڭ كريتەريلەرى مەن پرينتسيپتەرى» ادىستەمەلىك نۇسقاۋلىق جوباسى تالقىلاندى.
شاراعا توراعالىق جاساعان قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتىنىڭ توراعاسى ادىلبەك قابا كۇن تارتىبىندەگى ماسەلەنىڭ ماڭىزىنا توقتالىپ ءوتتى: «نامازعا جىعىلار ادامعا كومەك ءۇشىن «مۇحتاسار عىلىمحال» دەگەن جۇقا كىتاپ بولۋشى ەدى, سول سەكىلدى قولدانبالى تەرمينولوگيانىڭ وزەگى ءتارىزدى ءبىز تالقىلاپ وتىرعان ەڭبەك سالاعا كىرىسەر ءار ادامنىڭ ۇستەلىندە جاتۋى ءتيىس دەپ ويلايمىن. بارلىق نارسەنىڭ باستاۋى بولادى. سول سەبەپتى بۇگىنگى باس قوسۋىمىزدى بۇدان بۇرىنعى تالقىلاۋلارىمىزدىڭ زاڭدى ساباقتاستىعى دەپ قاراستىرعان دۇرىس. بۇل تۋرالى جاقىندا جارىق كورگەن ماقالامدا ايتتىم. تەرمين جاندى ورگانيزم. ءساتتىسى دە, ءساتسىزى دە كەزدەسەدى. سوندىقتان, ولارعا ءاردايىم مونيتورينگ جۇرگىزىپ, حالىق قۇلاعىنا سىڭبەگەن تەرميندەردەن ارىلىپ وتىرۋىمىز كەرەك. تەرميننىڭ تەك ماقۇلدانىپ, بەكىتىلمەۋى دە باتىل اينالىسقا ەنگىزۋگە كەدەرگى كەلتىرەدى. بولاشاقتا بۇل ماسەلەنى ۇكىمەت دەڭگەيىندە شەشۋ جولدارىن قاراستىرامىز».
ادىستەمەلىك نۇسقاۋلىق جوباسىندا ۇلتتىق تەرمينقوردى رەتكە كەلتىرىپ, جەتىلدىرىلگەن تەرمينجۇيە قالىپتاستىرۋ بارىسىندا تەرمينولوگيانى بىرىزدەندىرۋدىڭ الاتىن ورنى مەن جۇزەگە اسۋىنىڭ رەت-ءتارتىبى كورسەتىلگەن.
اۆتور: «وكىنىشكە قاراي, تاۋەلسىزدىككە قول جەتكىزگەننەن كەيىن دە قازاق ءتىلىن عىلىم مەن جاڭا تەحنولوگيا, زاڭ شىعارۋ مەن قارجى-ەكونوميكا تىلىنە اينالدىرۋعا باعىتتالعان باتىل قادام, تۇبەگەيلى بەتبۇرىس جاسالمادى ...اينالىپ كەلگەندە, ۇلت ءتىلىنىڭ عىلىم سالاسىنداعى قولدانىسى, ۇلت تىلىندەگى تەرميندەر قورىنىڭ مول جاسالۋ مەن قالىپتاسۋى, جۇيەلەنۋى وسى ماماندارعا تاۋەلدى» دەپ اتاپ كورسەتتى.
ەڭبەكتە ودان ءارى تەرمينولوگيانى بىرىزدەندىرۋ بارىسىندا نەنى ەسكەرىپ, قانداي ماسەلەلەرگە ءمان بەرۋ قاجەتتىلىگى مەيلىنشە ناقتى باياندالادى, تەرمينولوگيانى بىرىزدەندىرۋ جۇمىسىنىڭ ماقسات-مىندەتتەرى, ساتى-ساتى بويىنشا قالاي جۇزەگە اساتىنى عىلىمي-ادىستەمەلىك تۇرعىدان نەگىزدەلىپ كورسەتىلەدى.
اتالعان وتىرىستا تەرمينولوگيالىق جۇمىس توبىنىڭ مۇشەلەرى: فيلولوگيا عىلىمدارىنىڭ دوكتورى س.يساقوۆا, فيلولوگيا عىلىمدارىنىڭ كانديداتى س.قۇلمانوۆ نۇسقاۋلىق جوباعا جان-جاقتى تەرەڭ ساراپتاما جاسادى.
ءىس-شارا بارىسىندا ساراپتاۋ ماسەلەسى جان-جاقتى ءسوز بولىپ, سۇراق-جاۋاپ تۇرىندە ءوز جالعاسىن تاپتى. تەرمينولوگيالىق جۇمىس توبى مۇشەلەرى ZOOM پلاتفورماسى ارقىلى ءوز پىكىرىن قىزۋ ءبىلدىرىپ وتىردى.