يتالياداعى 20 ءوڭىردىڭ 13-ىندە مەكتەپتەر اشىلىپ, 5 جارىم ميلليوننان اسا بالا پارتاعا قايتا وتىردى, دەپ حابارلايدى Egemen.kz حابار 24-كە سىلتەمە جاساپ.
قالعان وڭىرلەردەگى ساباق ءبىر اپتادان كەيىن باستالادى. ويتكەنى مۇندا ورىن جەتىسپەي جاتىر. ونىڭ ۇستىنە كوروناۆيرۋسپەن كۇرەس شارالارىنا اقشا از بولىنگەن. سونىمەن قوسا مۇعالىم تاپشى. بيلىك سىنىپتار سانىن كوبەيتكەندىكتەن, قازىر 85 مىڭ ۇستازدىڭ جەتىسپەيتىنىن حابارلايدى.
ساباق باستالماي تۇرىپ, مۇعالىمدەردىڭ جارتىسى كوروناۆيرۋسقا تەست تاپسىرعان. سولاردىڭ 2 جارىم پروتسەنتىندە وڭ ناتيجە كورسەتسە كەرەك. ايتا كەتكەن ءجون, يتاليا مەكتەپتەرى 6 ناۋرىزدا جابىلىپ قالعان بولاتىن. جازعى دەمالىسقا دەيىن بالالار قاشىقتان وقىعان.