الماتى قالاسىنىڭ ەمحانالارىندا جىل سايىن تۇماۋعا قارسى ۆاكتسيناتسيا ناۋقانى باستالدى, دەپ حابارلايدى Egemen.kz الماتى قالاسى قوعامدىق دەنساۋلىق ساقتاۋ باسقارماسىنا سىلتەمە جاساپ.
400 مىڭنان استام الماتىلىق تۇماۋعا قارسى ۆاكتسيناتسيانى اقىسىز الا الادى. ولاردىڭ ىشىندە 65 جاستان اسقان ادامدار سانى – 264 مىڭ, سوزىلمالى اۋرۋى بار تۇرعىندار – 125 مىڭ, 22 مىڭ بالا, 9 مىڭ مەديتسينا قىزمەتكەرى, 7 مىڭنان استام جۇكتى ايەل. ۆاكتسيناتسيا 15 قاراشادا اياقتالادى, وسى ۋاقىت ارالىعىندا الماتىلىقتار ەمحاناعا وزدەرىنىڭ ۋچاسكەلىك دارىگەرىنە بارىپ, الدىن الا جازىلۋ ارقىلى ۆاكتسيناتسيا الا الادى. ۋچاسكەلىك مەدبيكەلەر تاۋەكەل توبىنداعى تۇرعىندارعا تەلەفون ارقىلى حابارلاسىپ, شاقىرادى.
"ۆاكتسيناتسيا الدىندا ۋچاسكەلىك دارىگەردىڭ مىندەتى – كەلگەن تۇرعىننىڭ دەنساۋلىعىنىڭ جاي-كۇيىن, رەسپيراتورلىق اۋرۋدىڭ بەلگىلەرىن جانە COVID-19 ۆيرۋسىمەن اۋىرعان ناۋقاسپەن بايلانىسى بولعانىن نەمەسە بولماعانىن, تەمپەراتۋرانىڭ قالىپتى بولۋىن ءاردايىم تەكسەرىپ وتىرادى. 10 قىركۇيەكتە ۆاكتسيناتسيا 185 ادامعا جاسالدى, ونىڭ ىشىندە 60 جاستان اسقان قارت ادامدار سانى – 40, 100 مەديتسينا قىزمەتكەرىنە, 25-ءى سوزىلمالى اۋرۋلارى بار بالا مەن 20-ى سوزىلمالى اۋرۋلارى بار ەرەسەكتەر. ءبىرىنشى كۇنى مەديتسينا قىزمەتكەرلەرىن ۆاكتسيناتسيامەن قامتۋعا تىرىستىق", دەيدى №11 قالالىق ەمحانانىڭ دارىگەر-ەپيدەميولوگى كامار قايراتبەك.
تۇماۋعا قارسى ۆاكتسينا اۋرۋعا قارسى يممۋنيتەتتى قالىپتاستىرۋعا جانە اسقىنۋلاردىڭ الدىن الۋعا ارنالعان. تۇماۋعا قارسى ۆاكتسيناتسيادان كەيىن دارىگەرلەر ستاندارتتى ساقتىق شارالارىن ساقتاۋعا كەڭەس بەرەدى: ينە سالعان ورىندى جاراقاتتاپ الماۋعا, ۇيقى رەجيمىن ساقتاۋعا, اللەرگيالىق رەاكتسيا تۋدىرۋى مۇمكىن تاعامداردى پايدالانۋعا بولمايدى.
"ۆاكتسينا جەتكىلىكتى مولشەردە ساتىپ الىندى, ۋچاسكەلىك مەدبيكەلەر كەستەگە سايكەس ۆاكتسيناتسياعا شاقىرادى. ۆاكتسيناتسيا باستالعانعا دەيىن ەپيدەميولوگيالىق قىزمەتى ەمحانانىڭ ۋچاسكەلىك قىزمەتىمەن بىرلەسىپ, اقىسىز ۆاكتسيناتسيا جاساۋ ءۇشىن تاۋەكەل توبىنىڭ ءتىزىمىن جاسادى: سوزىلمالى اۋرۋلارى بار بالالار سانى – 833, سوزىلمالى اۋرۋلارى بار ەرەسەكتەر–1999, مەديتسينا قىزمەتكەرلەرى – 332, جۇكتى ايەلدەر – 152, جابىق تيپتەگى مەكەمەلەردىڭ مەديتسينالىق قىزمەتكەرلەرى (بالالار ءۇيى, مەكتەپ ينتەرناتى, بالالارعا/مۇگەدەكتەرگە ارنالعان مەكتەپ-ينتەرناتتارى) – 11 ادام, قارتتار مەن مۇگەدەكتەر ۇيلەرىنىڭ كونتينگەنتى – 2, 60 جاستان اسقان قارتتار - 2012 ادام", دەيدى دارىگەر.