پرەزيدەنت قاسىم-جومارت توقاەۆ رەسەي فەدەراتسياسىنىڭ قازاقستانداعى ەلشىسى الەكسەي بوروداۆكيندى قابىلدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
كەزدەسۋدە قازاقستان مەن رەسەي اراسىنداعى ىنتىماقتاستىقتىڭ اۋقىمدى ماسەلەلەرى قارالدى.
پرەزيدەنت كوروناۆيرۋس ىندەتى كەزىندە رەسەي فەدەراتسياسىنىڭ قازاقستانعا كورسەتكەن كومەگى ءۇشىن العىس ءبىلدىردى.مەملەكەت باسشىسى ەلدەرىمىزدىڭ اراسىنداعى ەكىجاقتى جانە مەديتسينا مەن دەنساۋلىق ساقتاۋ سالالارىنداعى حالىقارالىق ۇيىمدار اياسىنداعى, ونىڭ ىشىندە جاڭا باستامالار مەن جوبالاردى ىسكە اسىرۋ شەڭبەرىندەگى قارقىندى ىنتىماقتاستىقتى ودان ارى جالعاستىرۋدىڭ ماڭىزىن اتاپ ءوتتى.
كەزدەسۋدە سونداي-اق ەۋرازيالىق ەكونوميكالىق وداق قىزمەتىمەن بايلانىستى ماسەلەلەر جانە جوعارعى دەڭگەيدەگى ەاەو كەزدەسۋىنە, سونىمەن قاتار, ۇجىمدىق قاۋىپسىزدىك شارت ۇيىمىنىڭ الداعى سامميتىنە دايىندىق بارىسى تالقىلاندى.