بۇگىن ەلوردالىق "بارىس" قۇرلىقتىق حوككەي ليگاسىنداعى كەزەكتى ويىنىندا بەلارۋستە "دينامو" (مينسك) كومانداسىمەن شەبەرلىك بايقاستى, دەپ حابارلايدى قازاقپارات.
ەستەرىڭىزگە سالا كەتەلىك, ەلوردالىق كلۋب جاڭا ماۋسىمداعى العاشقى ماتچىندا لاتۆيادا جەرگىلىكتى "دينامو" (ريگا) كلۋبىن 3:2 ەسەبىمەن جەڭىپ كەتتى. وسىلايشا چەمپيوناتتى ءساتتى باستادى.
ال "دينامو" ءبىرىنشى تۋردا ويىن وتكىزبەستەن ۇپايعا يە بولدى. ويتكەنى فينليانديانىڭ "يوكەريت" كومانداسى بەلارۋسكە كەلمەي قالدى. ولارعا تەحنيكالىق جەڭىلىس جازىلدى. بۇگىنگى كەزدەسۋدە ايدىن يەلەرى ءبىرىنشى كەزەڭدە باسىم وينادى. ەلوردالىق كلۋب نەگىزىنەن قورعانىستا ءجۇردى.
ەكىنشى كەزەڭدە مينسكىلىك كوماندا باسىمدىعىن ارتتىرا ءتۇستى. ناتيجەسىندە ولاردىڭ قاتارىنان برەنجون كوزۋن 25, روب كلينكحاممەر 26, ارتەم دەمكوۆ 28-مينۋتتاردا مەرگەندىك تانىتتى. وعان 39-مينۋتتا "بارىس" حوككەيشىسى انتون ساگادەەۆ ءبىر شايبامەن جاۋاپ قايىردى.
ەكىنشى كەزەڭ بىتۋىنە ساناۋلى سەكۋند قالعاندا "دينامو" حوككەيشىسى ەگور شارانتوۆيچ ەسەپ ايىرماسىن ارتتىرا ءتۇستى.
ءۇشىنشى كەزەڭدە ەلوردالىق كلۋب حوككەيشىلەرى بەلسەندىلىك تانىتتى. وسىنىڭ ارقاسىندا قاتارىنان ءۇش شايبا سوعىپ, تارازى باسىن تەڭەستىردى. ولاردى رومان ستارچەنكو 40, نيكيتا ميحايليس 54, داررەن ديتس ءوزىنىڭ ەنشىسىنە جازدى.
ويىننىڭ نەگىزگى كەزەڭى 4:4 ەسەبىمەن اياقتالدى. وۆەرتايمدا "دينامو" جەڭىس شايباسىن سوعىپ كەتتى. ەندى ەلوردالىق كلۋب 7 قىركۇيەكتە رەسەيدىڭ تسسكا (ماسكەۋ) كومانداسىمەن وينايدى. ال 10 قىركۇيەكتە "بارىس" ەلوردادا قىتايدىڭ "كۋنلۋن رەد ستار" كومانداسىن قابىلدايدى.