الماتى وبلىسىنىڭ چاپاي اۋىلىنداعى قىزىل جالىن اۋىزدىقتالدى

وقيعا ورنىنا شاقىرۋدىڭ جوعارى دارەجەسى بويىنشا دەرەۋ ساعات 07:44-تە الماتى وبلىسى تجد ەڭ جاقىن جەردە ورنالاسقان 3 ءورت ءسوندىرۋ بولىمشەلەرىنىڭ كۇشتەرى مەن قۇرالدارى 15 ادام جەكە قۇرامى جانە 5 بىرلىك تەحنيكا, سونداي-اق الماتى قالاسى تجد 4 ادام جانە 1 بىرلىك تەحنيكا جىبەرىلدى.

العاشقى بولىمشەلەردىڭ ساعات 07:58-دە كەلگەن سوڭ (14 مينۋتتان كەيىن, جاقىن جەردە ورنالاسقان بولىمشەدەن 15 شاقىرىم قاشىقتا) ءبىر-بىرىنە جاقىن ورنالاسقان "ارمان" جانە "نيكول" ءبىر قاباتتى ەكى دۇكەن اشىق وتپەن جانىپ جاتقاندىعى انىقتالدى.

ءورت ساعات 08:26-دا جەدەل وقشاۋلانىپ, ساعات 09:25-تە اۋىزدىقتالدى. ءورت الاڭى 761 شارشى مەتردى قۇرادى, ونىڭ ىشىندە "ارمان" دۇكەنى - 610 شارشى مەتر (شاتىردىڭ بۇزىلۋىمەن) جانە "نيكول" دۇكەنىنىڭ - 151 شارشى مەترى (شاتىر) ورتەندى. قۇربان بولعاندار مەن زارداپ شەككەندەر جوق.

ءورت سوندىرۋشىلەر قابىلداعان شارالاردىڭ ارقاسىندا ىرگەلەس ورنالاسقان دۇكەندەر مەن جەكە تۇرعىن ۇيلەرگە ءورتتىڭ تارالۋىنا جول بەرىلمەدى.

ءورتتىڭ سەبەبىن انىقتاۋ ءۇشىن وقيعا ورىنىندا سىناق ءورت زەرتحاناسى جۇمىس ىستەۋدە.

الماتى وبلىسى تجد ازاماتتاردان ساۋدا نىساندارىنداعى ءورت قاۋىپسىزدىگىنىڭ نەگىزگى ەرەجەلەرىن ساقتاۋدى سۇرايدى:

- ەلەكتر جەلىسىنىڭ شامادان تىس جۇكتەلۋىنە, وقشاۋلاۋدىڭ كورىنەتىن بۇزىلۋلارى بار ەلەكتر سىمدارى مەن كابەلدەردى پايدالانۋعا جول بەرمەۋ;

- روزەتكالاردى, رۋبيلنيكتەردى, ب ۇلىنگەن باسقا دا ەلەكترقۇرىلعىلارىن, قولدان جاسالعان ەلەكترجىلىتقىش اسپاپتاردى پايدالانباۋ;

- وتپەن جۇمىس ىستەۋ كەزىندە بەيقام بولماۋ;

- سىرتقى جانە ىشكى ورتكە قارسى سۋمەن جابدىقتاۋ كوزدەرىن جارامدى كۇيدە ۇستاۋ;

- وبەكتىلەردى العاشقى ءورت ءسوندىرۋ قۇرالدارىمەن قامتاماسىز ەتۋ.