پرەزيدەنت قاسىم-جومارت توقاەۆقا قارجى نارىعىنىڭ بيىلعى دامۋى جونىندە ەسەپ بەرىلىپ, قارجى سەكتورىنىڭ تۇراقتىلىعىن قامتاماسىز ەتۋ, ەكونوميكانى نەسيەلەۋ ءىسىن ىنتالاندىرۋعا قاتىستى رەتتەۋ شارالارىن جۇزەگە اسىرۋ جانە تۇتىنۋ نەسيەلەرىنىڭ شەكتەن تىس ارتۋىنا جول بەرمەۋ تۋرالى مەملەكەت باسشىسىنىڭ بۇعان دەيىن بەرگەن تاپسىرمالارىنىڭ ورىندالۋى جونىندە باياندالدى, - دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
ءمادينا ابىلقاسىموۆانىڭ ايتۋىنشا, مەملەكەت باسشىسىنىڭ جولداۋىن جۇزەگە اسىرۋ اياسىندا اگەنتتىك ۇكىمەتپەن بىرلەسىپ ەكونوميكانىڭ زارداپ شەككەن سەكتورلارىنا قولداۋ كورسەتىلەدى. اتاپ ايتقاندا "بيزنەستىڭ جول كارتاسى – 2025" باعدارلاماسى بويىنشا شاعىن جانە ورتا بيزنەس وكىلدەرىنىڭ العان قارىزدارىنا جىلىنا 6 پايىزدىق مولشەرلەمەمەن سۋبسيديا بەرىلەدى.
اگەنتتىك باسشىسى پرەزيدەنتكە ساقتاندىرۋ جانە باعالى قاعازدار نارىقتارىن جەتىلدىرۋگە باعىتتالعان زاڭنامالىق باستامالاردىڭ دايىندالىپ جاتقانىن ايتتى. ساقتاندىرۋ نارىعىن جەتىلدىرۋ جونىندەگى زاڭ جوباسى بويىنشا حالىقتىڭ زەينەتاقى جانە ينۆەستيتسيالىق ساقتاندىرۋ قورلارىنىڭ جۇمىسىنا ارالاسۋى ارتادى, سول ارقىلى ازاماتتاردىڭ جيناعى ەسەلەنە تۇسەدى. سونىمەن قاتار كاسىپكەرلەردىڭ قۇندى قاعازدار نارىعىندا قور جيناۋىنا مۇمكىندىك بەرەتىن شارالار قابىلدانادى.
قاسىم-جومارت توقاەۆ اگەنتتىكتىڭ جۇمىسىن وڭ باعالاپ, قارجى نارىعىن ودان ءارى دامىتۋعا قاتىستى بىرقاتار ناقتى تاپسىرما بەردى.