الماتى وبلىسىندا الەۋمەتتىك سالاعا بولىنگەن قاراجاتتىڭ 65% بىلىمگە باعىتتالادى. بۇل تۋرالى الماتى وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.
الماتى وبلىسىندا بيىلعى جىلى ءبىلىم سالاسىنىڭ بيۋدجەتى 314,2 ملرد تەڭگەنى قۇراپ, بىلتىرعى جىلمەن سالىستىرعاندا 108 ملرد تەڭگەگە ارتىپ وتىر.
"جالپى وبلىستا الەۋمەتتىك سالاعا بولىنگەن بيۋدجەت قاراجاتىنىڭ 65% ءبىلىم سالاسىنا باعىتتالادى. بۇل تۋرالى بۇگىن جاڭا وقۋ جىلىنا دايىندىق ماسەلەلەرى تۋرالى بريفينگ وتكىزگەن الماتى وبلىسىنىڭ اكىمى اماندىق باتالوۆ ايتتى", دەپ حابارلايدى الماتى وبلىسى اكىمىنىڭ ءباسپاسوز قىزمەتى.
"وبلىستاعى سانيتارلىق ەپيدەميولوگيالىق جاعدايعا بايلانىستى بيىلعى جاڭا وقۋ جىلى قاشىقتىقتان وقىتۋ فورماتىندا باستالادى. بىراق قاشىقتان وقىتۋ جاس ۇرپاققا ءبىلىم بەرۋ, ونى تاربيەلەۋ ىسىنە ەشقانداي كەدەرگى بولماۋى ءتيىس. ول ءۇشىن ءبىز بارلىق قاجەتتى جاعدايلاردى جاسادىق", دەپ اتاپ ءوتتى ا. باتالوۆ.
ونىڭ ايتۋىنشا, بيىلعى جىلى ءبىلىم سالاسىنىڭ بيۋدجەتى 314,2 ملرد تەڭگەنى قۇراپ, بىلتىرعى جىلمەن سالىستىرعاندا 108 ملرد. تەڭگەگە ارتىپ وتىر. وسىنداي مۇمكىندىكتەردىڭ ارقاسىندا وڭىردەگى ءبىلىم ساپاسى ارتىپ كەلەدى. ماسەلەن, سوڭعى 5 جىلدا ءبىلىم ساپاسى 10,8%-عا ارتىپ, 65,4% جەتكەن.