الماتى وبلىسىندا مەديتسينا قىزمەتكەرى اقشالاي سىياقى ءۇشىن كوروناۆيرۋستىق ينفەكتسياعا تەرىس ناتيجە بەرەتىن انىقتامانى ساتقان. بۇل تۋرالى قارجى مونيتورينگى كوميتەتى حابارلايدى, دەپ جازادى Egemen.kz
جالعان انىقتامالاردى بەرۋ فاكتىسىن كوميتەتتىڭ الماتى وبلىسى بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرى انىقتادى.
"كوروناۆيرۋسقا تەرىس ناتيجەمەن پتر انىقتاماسىن بەرگەنى ءۇشىن سىياقى تۇرىندە 25 مىڭ تەڭگە مولشەرىندە اقشالاي قاراجات العان 1984 جىلعى مەديتسينا قىزمەتكەرى ۇستالدى", دەلىنگەن حابارلامادا.
جاۋاپ الۋ بارىسىندا الماتى وبلىسىنىڭ تۇرعىنى وسى جىلدىڭ ماۋسىم ايىنان باستاپ قازىرگى ۋاقىتقا دەيىن 12-گە جۋىق جالعان انىقتاما بەرگەنىن مويىندادى. اتالعان فاكتى بويىنشا سوتقا دەيىنگى تەرگەۋ باستالدى.