COVID - 19 كوروناۆيرۋس ينفەكتسياسىنا قارسى قازاقستاندىق ۆاكتسينا سىناقتان ءساتتى وتۋدە. بۇل تۋرالى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ حابارلايدى.
بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتى COVID-19-عا قارسى ۆاكتسينانى دايىنداۋعا ناۋرىز ايىنىڭ ورتاسىنان باستاپ كىرىستى. جۇرگىزىلگەن عىلىمي زەرتتەۋلەردىڭ ناتيجەسىندە 9 مامىردا بقپعزي عالىمدارى العاشقى ۆاكتسينانى شىعاردى. 15 مامىردا دۇنيەجۇزىلىك دەنساۋلىق ساقتاۋ ۇيىمى ونى ءوز سايتىندا كلينيكاعا دەيىنگى سىناقتارعا ارنالعان كانديداتتىق ۆاكتسينا رەتىندە تىركەدى.
ددسۇ-دا تىركەلگەن كۇنى زەرتحانالىق جانۋارلارعا ۆاكتسينانىڭ كلينيكاعا دەيىنگى سىناقتارى باستالدى. بۇگىنگى تاڭدا سىناق ناتيجەلەرى ددسۇ رەگلامەنتتەگەن بارلىق پارامەترلەر بويىنشا ۆاكتسينا ددسۇ مەن قر مەملەكەتتىك فارماكوپەياسىنىڭ تالاپتارىنا سايكەس كەلەتىنىن كورسەتەدى.
بقپعزي ۆاكتسينانى انتيدەنەلەر ءتيترى جوعارى يممۋنوگەندىلىكتى كورسەتكەن پريماتتاردا دا سىناقتان وتكىزىپ جاتىر. كلينيكاعا دەيىنگى زەرتتەۋلەر اياقتالعاننان كەيىن ۆاكتسينانىڭ كلينيكالىق سىناقتارى باستالادى.
سونداي-اق, بقپعزي ءارتۇرلى پلاتفورمالاردا تاعى 3 ۆاكتسينانى دايىنداپ جاتىر.