وتاندىق مەديتسينا عىلىمىنىڭ بەلدى وكىلدەرى پاندەميا جاعدايىندا ۇلتتىق تاعامدار مەن سۋسىندار يممۋنيتەتتى كوتەرە الاتىن جونىندە عىلىمي تۇجىرىمعا كەلىپ وتىر, - دەپ جازادى Egemen.kz.
كۆي مەن ۆيرۋستىق پاندەميا ادامداردى قوس وكپەدەن قىسىپ الىپ ۇرىپ جاتقانى بەلگىلى. ال وكپەنىڭ باستى قورەگى ماي, سونىڭ ىشىندە مال ونىمدەرى ەكەنىن شەتەلدىك دارىگەر-عالىمدار دا جوققا شىعارمايدى.
وسى ورايدا "Nur Otan" پارتياسى "Jas Otan" جاستار قاناتى اقتوبە وبلىستىق فيليالىنىڭ ەرىكتىلەرى "دارىگەرلەرگە مىڭ العىس!" اكتسياسى اياسىندا وبلىستىق كلينيكالىق اۋرۋحانانىڭ قىزمەتكەرلەرىنە ءوز ەسەبىنەن جەتكىلىكتى تۇردە ۇلتتىق سۋسىننىڭ تورەسى – سەرتيفيكاتتالعان ساپاسى جوعارى قىمىز جەتكىزىپ بەردى. سونداي-اق بۇعان دەيىن ولار مۇنداعى اق حالاتتى ابزال جاندارعا قۋاتى كۇشتى, قۇنارى مول ىستىق تاعامدار اكەلىپ بەرگەن ەدى.
ء"بىزدىڭ قاتارىمىزدا قۇر جالاڭ ەنتۋزيازىممەن ەمەس, بەلگىلى ءبىر كاسىپپەن اينالىسۋعا دا ۋاقىت تاۋىپ, ماتەريالدىق يگىلىكتى ءوز قولدارىمەن ءوندىرىپ جۇرگەندەر دە بار. "دارىگەرلەرگە مىڭ العىس!" شەڭبەرىندەگى قايىرىمدىلىق شارالارىنا جۇمسالعان قاراجات نەگىزىنەن سول ۆولونتەرلەردىڭ شىنايى نيەت ءبىلدىرۋى ارقىلى جيناقتالدى. ايتسە دە ولار بىزگە ءوز اتى-جوندەرىنىڭ اتالماۋى جونىندە تالاپ-تىلەكتەرىن جەتكىزدى. ونى نازارعا الماۋعا مورالدىق قۇقىمىز جوق", دەدى گازەت تىلشىسىنە جق اقتوبە وبلىستىق فيليالىنىڭ كەڭەسشىسى مۇرات مۇستافين.
ەشقانداي قالتارىسى جوق شىنايى اق ادال كوڭىلدەن بىلدىرىلگەن ءىلتيپات كىم كىمنىڭ دە ريزاشىلىق سەزىمىن تۋعىزباي قويمايدى. بۇل رەتتە وتكەن قاسيەتتى جۇما كۇنى اقتوبە مەديتسينا ورتالىعىنا ءوز قولداۋلارىن كورسەتۋگە كەلگەن جاسوتاندىقتارعا دەگەن العىس سەزىمىن وسى ۇجىمنىڭ ينفەكتسيونيست-دارىگەرى گۇلميرا قۇرمانباي تومەندەگىششە جەتكىزدى.
ماسەلە سىي مەن قۇرمەتتىڭ ۇلكەن-كىشىسىندە ەمەس, ونىڭ تازا جۇرەكپەن جاسالۋىندا. پاندەميامەن كۇرەس باستالعان كوكتەم كەزدەن بەرى ءبىز وسىنداي كوڭىل تولقىتارلىق جاعدايلارعا بىرنەشە رەت كۋا بولدىق. ءسويتىپ قانداي قيىن كەزدە دە بىزگە قولداۋ كورسەتىپ جاناشىرلىق تانىتا الاتىن حالقىمىز بار ەكەنىن تەرەڭدەي سەزىنە تۇستىك. مۇنىڭ ءوزى بىزگە مورالدىق جانە ماتەريالدىق تۇرعىدان ۇلكەن دەم بەردى. مىنە, بۇگىن اۋرۋحاناعا جەتەكشى پارتيامىزدىڭ جاس قىراندارى كەلىپ, ءوز ىقىلاس-نيەتتەرىن ءبىلدىرىپ وتىر. راحمەت, اينالايىندار, الدارىڭنان اق كۇن تۋسىن.
سونداي-اق وتكەن جۇما كۇنى اتالعان اكتسيا اياسىندا "Nur Otan" پارتياسى اقتوبە وبلىستىق فيليالىنىڭ وكىلدەرى اقتوبە قالاسىنداعى "دارۋ" مەديتسينالىق ساۋىقتىرۋ ورتالىعىنىڭ جانىنان اشىلعان پروۆيزورلىق بولىمشەدە بولىپ, پنەۆمانيا دەرتى بويىنشا ەمدەلىپ جاتىرعان ناۋقاستارعا جارتى ميلليون تەڭگەنىڭ ازىق-ت ۇلىك تاۋارلارىن جەتكىزىپ بەردى.
اقتوبە