اقش-تان الماتى قالاسىنا كەلگەن اعايىندى تۋريستەر الەكس پەن ماركو ەيليندەر قازاقستاننىڭ داڭقىن الەم ەلدەرىنە شىعارۋدى ماقسات تۇتىپ وتىر. بۇل تۋرالى «كازاحستانسكايا پراۆدا» گازەتى جازدى.
اعايىندى جىگىتتەردىڭ ەلىمىزگە تابان تىرەۋىنە My Destination ينتەرنەت-رەسۋرسى وتكىزگەن سايىستىڭ ىقپالى بولعان ەكەن. سايىس قورىتىندىسى بويىنشا ولار جەڭىمپاز اتانعان. ەندى ەكى جىگىتكە قازاقستانداعى جەتىستىكتەردى كەڭىنەن تاسپاعا ءتۇسىرۋدىڭ ءساتى ءتۇسىپ تۇر. ال ولار وسى ۋاقىت ارالىعىنا دەيىن 45 مەملەكەتتىڭ تاريحىمەن تانىسۋعا مۇمكىندىك الىپتى. «ءبىز قازاقستانعا العاش رەت كەلدىك. بۇرىن بۇل ەل تۋرالى مالىمەتتى ينتەرنەتتەن عانا بىلەتىن ەدىك. وسى كەلگەندە قوناقجاي حالىقتىڭ ۇلتتىق سالت-داستۇرلەرىنە ءتانتى بولعانىمىزدى جاسىرا المايمىز. ال سىزدەردىڭ ەلدەرىڭىزدە بولعانعا دەيىن يسلانديا, لوندون, ستامبۋل سەكىلدى بىرنەشە ەلدەردى ارالاپ شىقتىق»-دەيدى اعايىندى تۋريستەر.
اقش تۋريستەرى الماتىنىڭ شىمبۇلاعىن كورىپ, بىرقاتار الەۋمەتتىك-مادەني ورىنداردى ارالاعان. قازاقتىڭ كيىز ۇيىندە جەرگىلىكتى ازاماتتارمەن باس قوسىپ, ەل تاريحى تۋرالى دەرەكتەرگە قانىقتى. ەندى ولار اقش-تىڭ بەلگىلى ارناسىنا جانە My Destination ينتەرنەت-رەسۋرسىنا ءبىزدىڭ ەل تۋرالى جيناعان مالىمەتتەرىن بەرگەلى وتىر. بۇل تۇستا ەسكەرە كەتەتىن جايت, My Destination ينتەرنەت-رەسۋرسىنىڭ وقىرماندار سانى بۇگىندە 10 ملن.-عا جەتكەن. سوندىقتان ەلىمىز تاريحىن كەڭىنەن بىلۋگە وسىنشاما وقىرمان مۇمكىندىك العالى وتىر.
ءامىرحان الماعانبەتوۆ.