وسى ساتكە دەيىنگى دەرەك بويىنشا الماتى وبلىسىندا پنەۆمونيا دياگنوزىمەن 2517 ناۋقاس ەم قابىلداۋدا. ونىڭ ىشىندە 86 ناۋقاستىڭ جاعدايى الاڭداتارلىق, 17 پاتسيەنت وكپەنى جاساندى جەلدەتۋ اپپاراتىنا قوسىلعان, - دەپ حابارلايدى Egemen.kz.
وكىنىشكە قاراي, وتكەن جىلمەن سالىستىرعاندا وبلىستا وكپەسى قابىنعانداردىڭ ۇلەسى 2,5 ەسەگە كوبەيگەن. ناۋقاستار اراسىنداعى ءولىم-ءجىتىم كوبەيىپ كەتكەن. بىلتىرعى جىلدىڭ وسى مەرزىمىندە پنەۆمونيادان 90 ادام قايتىس بولسا, قازىر 190 ادام دەرتتەن كوز جۇمعان.
- وبلىستا سوڭعى اپتادا پروۆيزور بولىمىنەن 618 ادام ەمدەلىپ شىقتى. جالپى, كۇن سايىن وكپەسى قابىنعان ءجۇز ەلۋدەن استام ناۋقاس ەمدەلىپ شىقسا, وسى دياگنوزبەن ەمحاناعا تۇسەتىندەر سانى ەكى جۇزگە دەيىن جەتىپ وتىر. اۋرۋى اسقىنعان پاتسيەنتتەر سانىنىڭ وسۋىنە بايلانىستى ينفەكتسيالىق ستاتسيوناردا سوڭعى ەكى اپتادا توسەك سانىن 3 ەسە ياعني, 17 ستاتسيونارلىق مەكەمەدە 150-دەن 500-گە دەيىن ارتتى. پنەۆمونيامەن اۋىراتىن ناۋقاستاردى ەمدەۋ ءۇشىن 31 ستاتسيوناردا توسەك سانى مىڭنان ءۇش مىڭعا دەيىن كوبەيتىلدى. ماسەلەن, تالدىقورعان قالاسىنداعى 300 ورىندىق ينفەكتسيالىق ستاتسيونار وبلىستىق اۋرۋحانا بازاسىنا كوشىرىلدى. تەرى - ۆەنەرولوگيالىق ديسپانسەر بازاسىندا 85 پروۆيزورلى توسەك ورىن اشىلدى.سونىمەن قاتار, بۇگىننەن باستاپ وبلىستىق فتيزيو - پۋلمونولوگيا ورتالىعىندا 120 توسەكتىك پروۆيزورعا ناۋقاستاردى قابىلداۋ باستالدى. تالدىقورعان قالاسى بويىنشا 532 پروۆيزورلىق قابىلداۋ ورنى 532 توسەككە دەيىن جەتتى, - دەپ مالىمدەدى ىندەتپەن كۇرەس جۇمىسى جايلى ونلاين بريفينگتە وبلىس اكىمنىڭ ورىنباسارى باتىرجان بايجۇمانوۆ.