قوستاناي وبلىسى پوليتسيا دەپارتامەنتىنىڭ ءباسپاسوز قىزمەتى العاش 11 ادام ەتيل سپيرتىنەن ۋلانىپ مەرت بولدى دەگەن مالىمەت تاراتىپ ەدى. اراعا 1-2 ساعات سالىپ, دەنساۋلىق ساقتاۋ دەپارتامەنتى ولاردىڭ ەكەۋىنىڭ ءتىرى قالعانىن حابارلادى, - دەپ جازادى Egemen.kz
"بىزگە ءبىر تاۋلىكتىڭ ىشىندە الكوگولدى ىشىمدىكتەن ۋلانعان 11 ادام كەلىپ ءتۇستى. اۋرۋحاناعا جەتكىزىلگەندە ءبارى ەسس-ءتۇسسىز كۇيدە بولدى. توعىز ادام اقىرى ەسىن جيا المادى. جەدەل قولعا الىنعان ەمدەۋ جانە رەانيماتسيالىق شارالارعا قاراماستان, وكىنىشكە قاراي, 9-ى دا جان تاپسىردى. قازىر جان ساقتاۋ بولىمىندە اسا اۋىر جاعدايدا 2 ادام جاتىر. ەكەۋى دە الكوگولدەن ۋلانعان. سوعان قاراماستان, بۇگىن ءبىر ناۋقاستىڭ كورۋ قابىلەتى قالپىنا كەلدى.
ۋلانعانداردىڭ ارقايسى ءار ءتۇرلى مەكەنجايدان. ەكەۋى كەڭشاردان جەتكىزىلدى. جاس مولشەرلەرى دە, الەۋمەتتىك جاعدايلارى دا ءار ءتۇرلى. اراسىندا شاڭىراق قۇرعانىنا كوپ بولا قويماعان جاپ-جاس ەرلى-زايىپتىلار دا بار. وكىنىشكە قاراي, ارتىنداعى بالالارى تۇل جەتىم قالدى", - دەدى دەنساۋلىق ساقتاۋ باسقارماسىنىڭ ءباسپاسوز حاتشىسى كسەنيا جىلقىباەۆا.
قوستاناي وبلىسى