قازاقستاندا اجىراسۋ سانى ارتقان

2017 جىلى 55 مىڭ اجىراسۋ (تىركەلگەن نەكەلەر سانىنىڭ 39%), 2019 جىلى شامامەن 60 مىڭ (43%). "2019 جىلعى قازاقستاندىق وتباسىلار" ۇلتتىق بايانداماسىنا سايكەس نەكەنى بۇزۋدىڭ نەگىزگى سەبەپتەرى: تۋىستارىنىڭ ارالاسۋى, ەرلى-زايىپتىلار ساتقىندىق, ويىن ويناۋ, تۇرمىستىق زورلىق-زومبىلىق جانە ت.ب. بولىپ تابىلادى.

ا.بالاەۆا اتاپ وتكەندەي, وتباسىلىق جۇپتارعا پسيحولوگيالىق جانە زاڭگەرلىك كومەك كورسەتۋ ماقساتىندا 2019 جىلى 8 وڭىردە "باقىتتى وتباسى" وتباسىلىق سوتتار جانىنان وتباسىن رەسۋرستىق قولداۋدىڭ 12 ورتالىعى قۇرىلدى. بۇدان باسقا, وتباسىلىق-تۇرمىستىق زورلىق-زومبىلىق فاكتىلەرىن ازايتۋ ماقساتىندا ەلىمىزدىڭ 9 وڭىرىندە تۇرمىستىق زورلىق-زومبىلىقتىڭ الدىن الۋ جانە اگرەسسورلارمەن جۇمىس جونىندەگى الەۋمەتتىك قىزمەتتەر ۇيىمداستىرىلدى.

سونداي-اق مينيستر بيىلعى جىلى وتباسى ينستيتۋتىن, رەپرودۋكتيۆتى دەنساۋلىقتى نىعايتۋعا جانە تۇرمىستىق زورلىق-زومبىلىقتىڭ الدىن الۋعا باعىتتالعان شارالاردى كوزدەيتىن 2030 جىلعا دەيىنگى وتباسىلىق جانە گەندەرلىك ساياسات تۇجىرىمداماسىنىڭ ەكىنشى كەزەڭىن ىسكە اسىرۋ باستالعانىن ايتتى. بيىلعى جىلى وتباسى ينستيتۋتىن, رەپرودۋكتيۆتى دەنساۋلىقتى نىعايتۋعا جانە تۇرمىستىق زورلىق-زومبىلىقتىڭ الدىن الۋعا باعىتتالعان شارالاردى كوزدەيتىن 2030 جىلعا دەيىنگى وتباسىلىق جانە گەندەرلىك ساياسات تۇجىرىمداماسىنىڭ ەكىنشى كەزەڭىن ىسكە اسىرۋ باستالعانىن حابارلادى.