قازاقستاننىڭ ازاماتتىق اليانسى كەڭەسىنىڭ كەزەكتەن تىس وتىرىسى ەپيدەميولوگيالىق جاعدايعا بايلانىستى ونلاين رەجيمدە ءوتتى. وتىرىستىڭ قورىتىندىسى بويىنشا سالتانات تەمىرقۇلقىزى راحيمبەكوۆا قازاقستان ازاماتتىق اليانسىنىڭ پرەزيدەنتى ەتىپ سايلاۋ تۋرالى شەشىم قابىلداندى, - دەپ حابارلايدى Egemen.kz.
سالتانات راحيمبەكوۆا 1965 جىلى 18 اقپاندا دۇنيەگە كەلدى, جاسىل ەكونوميكا جانە ەكولوگيا سالاسىنداعى بەلگىلى قوعام قايراتكەرى, بىرقاتار ۇكىمەتتىك ەمەس ۇيىمنىڭ - G-Global جاسىل ەكونوميكا جانە دامۋ كواليتسياسى, EXPO&Women حالىقارالىق ۇيىمى, قازاقستان ايەلدەرىنىڭ اگرارلىق وداعىنىڭ نەگىزىن قالاۋشى جانە جەتەكشىسى, ەكونوميكا عىلىمدارىنىڭ دوكتورى, قازاقستان رەسپۋبليكاسى پرەزيدەنتىنىڭ جانىنداعى قازاقستاننىڭ جاسىل ەكونوميكاعا ءوتۋى جونىندەگى كەڭەستىڭ مۇشەسى, ەكولوگيا, گەولوگيا جانە تابيعي رەسۋرستار مينيسترلىگىنىڭ قوعامدىق كەڭەسىنىڭ توراعاسى.
"قۇرمەت" وردەنىمەن, قازاقستان رەسپۋبليكاسى پرەزيدەنتىنىڭ قۇرمەت گراموتاسىمەن جانە قازاقستان رەسپۋبليكاسىنىڭ بەس مەرەيتويلىق مەدالىمەن ماراپاتتالعان.