الەمدى شارپىعان كوروناۆيرۋس كەسەلىنە بايلانىستى بيىل قاجىلىققا كەلۋشىلەر كولەمىن ايتارلىقتاي شەكتەلەدى, - دەپ حابارلادى قمدب ءباسپاسوز قىزمەتى.
"كوروناۆيرۋس ىندەتى الەمنىڭ 180-دەن استام ەلىنە تارالىپ, COVID-19 ۆيرۋسىنان اجال قۇشقاندار سانى 1 ميلليونعا جەتتى. ودان بولەك 7 ميلليون ادامنىڭ ۆيرۋس جۇقتىرعانى بەلگىلى بولدى. وسىعان وراي ساۋد ارابياسىنىڭ دەنساۋلىق ساقتاۋ مينيسترلىگى پاندەميادان تۋىنداعان قاۋىپ-قاتەردىڭ الدىن الۋ جانە ونىڭ تارالۋىنا جول بەرمەۋ, سونداي-اق جاھاندىق دەنساۋلىق ساقتاۋ ۇيىمدارىنىڭ تالاپتارىن ەسكەرە وتىرىپ بيىلعى قاجىلىق راسىمىنە بىرقاتار شەكتەۋ قويدى.
ساۋد ارابياسى كورولدىگىنىڭ باستى مىندەتى – مۇسىلمان قاجىلارعا قاجىلىق جانە ۇمرا راسىمدەرىن قاۋىپسىز جانە قاۋىپسىز ورىنداۋعا ارقاشان مۇمكىندىك بەرۋ. پاندەميا باستالعاننان بەرى قاجىلاردى قورعاۋ ءۇشىن بارلىق ساقتىق شارالارى قابىلدانىپ, قاسيەتتى ورىندارعا سىرتتان كەلۋشىلەر شەكتەلدى. قاسيەتتى جەرلەردە جۇرگەن قاجىلاردىڭ قاۋىپسىزدىگىن قامتاماسىز ەتۋ ماقساتىندا, يسلام ەلدەرى مەن جانە حالىقارالىق ۇيىمداردىڭ تالاپتارىن ەسكەرە وتىرىپ, شەكتەۋلەردى ءارى قاراي كۇشەيتە تۇستىك. سەبەبى بىزگە سالدارى ولىمگە اكەلەتىن قاۋىپتى ىندەتتىڭ الدىن الۋ ماڭىزدى.
كوروناۆيرۋس ينفەكتسياسى ادامدار كوبىرەك جينالاتىن ورىنداردا, ۇلكەن جيىنداردا تارالاتىنى دالەلدەنىپ وتىر. سوندىقتان دا بيىلعى 1441 جىلدىڭ (2020 جىل) قاجىلىق ءراسىمى ساۋد ارابياسىندا تۇرىپ جاتقان وتە از كولەمدەگى ادامداردىڭ قاتىسۋىمەن عانا وتەتىنى جايلى شەشىم قابىلداندى. بۇل شەشىم قاۋىپتى ۆيرۋستىڭ الدىن الۋ جانە قاجىلاردىڭ دەنساۋ ساقتاۋ ماقساتىندا جاسالىپ وتىر.
ايتا كەتەيىك, بۇگىندە ساۋد ارابياسى كوروناۆيرۋس ىندەتىن جۇقتىرۋ دەرەگى بويىنشا اراب ەلدەرى اراسىندا العاشقى ورىندا تۇر. بۇل ەلدە 160 مىڭنان استام ادامنىڭ قاۋىپتى ۆيرۋس جۇقتىرعانى بەلگىلى بولدى", - دەلىنگەن حابارلامادا.