تۇركىستان وبلىسىندا "COVID-19" ىندەتىنە شالدىققانداردى وقشاۋلاۋعا ارنالعان 270 ورىن بار بولسا, سونىڭ بۇگىندە 164-ىندە ناۋقاستار ەم قابىلداۋدا. بۇلاردىڭ دەنى كوروناۆيرۋس ىندەتىن جۇقتىرىپ نەمەسە جۇقتىرعاندارمەن تىعىز قارىم- قاتىناستا بولعاندار, - دەپ حابارلايدى Egemen.kz.
وبلىستىق قوعامدىق دەنساۋلىق باسقارماسى باسشىسىنىڭ ورىنباسارى نۇرحان نارىمبەتوۆا ءمالىم ەتكەندەي, كوروناۆيرۋس ىندەتىنە ۇقساس بەلگىلەرى بار اۋرۋعا شالدىققانداردى قابىلدايتىن قوسىمشا 885 ادامعا ارنالعان ورىندا بۇگىندە 962 ادام ەم-دوم قابىلداۋدا. ولاردىڭ باسىم كوپشىلىگىندە كوروناۆيرۋس دەرتى انىقتالماعان. ياعني پنەۆمونيا, جرۆي سەكىلدى دەتكە شالدىققاندار. سونداي-اق, تۇركىستان وبلىسىندا 124 جەدەل جاردەم بريگاداسى كۇندىز-ءتۇنى توقتاۋسىز جۇمىس ىستەۋدە.
ايتا كەتەيىك, وتكەن جىلدىڭ بەس ايىندا وبلىستا وكپە قابىنۋ دەرتىمەن 9735 ادام ناۋقاستانىپ, جازىلىپ شىققان. بيىلدىڭ 5 ايىندا 7749 ناۋقاس وكپە قابىنۋى دياگنوزىمەن اۋرۋحاناعا جاتقىزىلىپ, ولاردىڭ ءبارى تەگىس اۋرۋىنان تولىق ايىققان. ال 22 ماۋسىمعا دەيىنگى دەرەك بويىنشا وسى دەرتپەن ەم قابىلداعان 461 ناۋقاستىڭ 423-ءى ەمدەلىپ شىققان.