سOVID -19 ۆيرۋسىنا قارسى ۆاكتسينانىڭ بيىلعى كۇزدە شىعارىلۋ مۇمكىندىگى تۋراسىندا ن. گامالەيا اتىنداعى رەسەي ەپيدەميولوگيا جانە ميكروبيولوگيا عىلىمي-زەرتتەۋ ينستيتۋتىنىڭ ديرەكتورى ا. گينتسبۋرگ حابارلاعان, - دەپ جازادى Egemen.kz.
ۆاكتسينانىڭ سۇيىقتىق رەتىندە بۇلشىق ەتكە بىردەن جىبەرىلەتىن ءبىرىنشى ءتۇرى بۋردەنكو اتىنداعى اسكەري گوسپيتالدا جۇرگىزىلسە, ال ۇنتاق بولىپ شىعارىلىپ, كەيىن ەرتىندىدە ەزىلىپ بۇلشىق ەتكە سالىناتىنى سەچەنوۆ ۋنيۆەرسيتەتى قابىرعاسىندا جۇرگىزىلىپ جاتىر. بۇدان بۇرىن حابارلاعانىمىزداي تاجىريبەگە ارقايسى 38 ادامنان جاساقتالعان ەرىكتى ەكى توپ قاتىسۋدا.
ۆاكتسيناتسيا جاسالىنعان 76 ادام تاجىريبە مەرزىمىندە 28 تاۋلىك بويىنا ستاتسيوناردا وقشاۋلانىپ, دارىگەرلەر ولاردىڭ دەنساۋلىقتارىن ءجىتى باقىلاپ, اعزانىڭ يممۋندىق جۇيەسىنىڭ قانداي اسەر بەرەتىنىن نازاردا ۇستايدى. بۇدان كەيىنگىۆيرۋسپەن كۇرەستە ۆاكتسينا الىپ, تاجىريبەدەن وتۋگە كەلىسكەن 76 ادام 6 اي بويىنا زەرتتەۋشى-دارىگەرلەردىڭ باقىلاۋىندا بولماقشى.
سOVID-19 قارسى ۆاكتسيناعا كلينيكالىق تاجىريبە بارىسى قالىپتى جاعدايدا وتكىزىلىپ جاتىر دەيدى.