قارجى مونيتورينگى كوميتەتىنىڭ پاۆلودار وبلىسى بويىنشا ەكونوميكالىق تەرگەۋ دەپارتامەنتى قىزمەتكەرلەرى 2019 جىلدىڭ قازان ايىنان باستاپ جۇمىس ىستەپ كەلگەن ەلىمىزدىڭ 14 ايماعى مەن 17 قالاسىندا 22 وكىلدىگى بار قارجى پيراميداسى قىزمەتىنىڭ جولىن كەستى, - دەپ جازادى Egemen.kz
باعالى قانداي دا ءبىر م ۇلىكتى ساتىپ الۋ ءۇشىن ازاماتتارعا 180 مىڭ تەڭگە كولەمىندە كىرۋ جارناسىن تولەۋ, سودان كەيىن اي سايىن 50 مىڭ تەڭگەدەن 10 اي بويىنا تولەم جاساۋ ۇسىنىلعان. سالىنعان 180 مىڭ تەڭگەنىڭ 100 مىڭ تەڭگەسى تۇتىنۋ كووپەراتيۆى شوتىندا قالىپ, 80 مىڭ تەڭگە ارنايى قۇرىلعان جشس شوتىنا اۋدارىلىپ وتىرعان, دەپ حابارلايدى اتالعان مەكەمەنىڭ ءباسپاسوز قىزمەتى.
وسىلايشا جشس قىزمەتىندە مىندەتتى كىرۋ جارناسى, ءاربىر جاڭادان تارتىلعان قاتىسۋشى ءۇشىن بونۋستاردىڭ تولەنۋى, باق-تا جاپپاي جارناما جاساۋ, ينتەرنەت كەڭىستىكتە ءبىر الۋشىعا كوپتەگەن جىبەرۋشىلەردەن جاسالعان اقشا اۋدارىمى سياقتى قارجى پيراميداسىنىڭ بارلىق بەلگىلەرى كورىنىس تاپقان. بۇگىنگى تاڭدا قارجى پيراميداسىنا سالىمشىلاردان جالپى سوماسى 3,9 ملرد تەڭگە اقشالاي قاراجات تارتىلعان. سوتقا دەيىنگى تەرگەۋ امالدارى جۇرگىزىلۋدە.
اتالعان ارەكەت بويىنشا قر قك 217-بابىنا (قارجىلىق (ينۆەستيتسيالىق) پيراميدانى قۇرۋ جانە وعان باسشىلىق ەتۋ) سايكەس م ۇلىكتى تاركىلەۋمەن 5 جىلدان 10 جىلعا دەيىن باس بوستاندىعىنان ايىرۋ تۇرىندە قىلمىستىق جاۋاپكەرشىلىك قاراستىرىلعان.