ماڭعىستاۋ وبلىستىق سوتىندا ازاماتتىق پروتسەستىك كودەكسكە ەنگىزىلگەن وزگەرىستەر مەن تولىقتىرۋلاردى تالقىلاۋ ماقساتىندا سەمينار وتكىزىلدى, - دەپ حابارلايدى ماڭعىستاۋ وبلىستىق سوتىنىڭ ءباسپاسوز قىزمەتى.
ونلاين فورماتتا وتكەن ءىس-شاراعا ماڭعىستاۋ وبلىستىق سوتىنىڭ توراعاسى ەرجان داۋليەۆ, وبلىستىق سوتتىڭ ازاماتتىق ىستەر جونىندەگى سوت القاسىنىڭ توراعاسى نۇرساپا پريماشەۆ, اۋداندىق جانە وعان تەڭەستىرىلگەن سوتتاردىڭ توراعالارى مەن سۋديالارى, مەملەكەتتىك جانە قۇقىق قورعاۋ ورگاندارىنىڭ قىزمەتكەرلەرى, بيلەر كەڭەسىنىڭ مۇشەلەرى, كاسىپوداق ورتالىعى مەن "اتامەكەن" كاسىپكەرلەر پالاتاسىنىڭ ماڭعىستاۋ وڭىرلىك فيليالىنىڭ وكىلدەرى, ادۆوكاتتار, كاسىپكەرلەر, نوتاريۋستار, مەدياتورلار قاتىستى.
ءىس-شارا بارىسىندا ءسوز العان نۇرساپا پريماشەۆ مەملەكەت باسشىسى "قازاقستان رەسپۋبليكاسىنىڭ ازاماتتىق پروتسەستىك كودەكسىنە سوتتار جۇمىسىنىڭ زاماناۋي فورماتتارىن ەندىرۋ, ارتىق سوت راسىمدەرى مەن شىعىندارىن قىسقارتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسىنىڭ زاڭىنا قول قويعانىن اتاپ ءوتىپ, باستى وزگەرىستەر مەن تولىقتىرۋلارعا نازار اۋداردى.
سونداي-اق نۇرساپا پريماشەۆ اپك-عا ەنگىزىلەتىن تۇزەتۋلەرگە ساي, سۋديا باسى ارتىق جۇكتەمەلەردەن ارىلعانىن, سۋديا ەكى تاراپ ۇسىنباعان دالەلدەمەلەردى سۇراتۋ ارقىلى اقيقاتقا جەتىپ قانا قويماي, پروتسەس بارىسىندا تاراپتاردىڭ ۋاجدەرىنە قاتىستى داۋعا ساي ءوز پىكىرىن دە بىلدىرۋگە قۇقىعى بار ەكەنىن ايتىپ, بۇل - سوت شەشىمىنىڭ ساپاسىنا وڭ اسەرىن تيگىزەتىنىن جەتكىزدى.
سەمينار بارىسىندا جەكەلەگەن ماسەلەلەردى تاراپتاردى شاقىرماي-اق قاراۋ, پروتسەستىك مەرزىمدەردى ۇزارتۋ جانە قالپىنا كەلتىرۋ, بەلگىلەنگەن اقشا سومالارىن يندەكستەۋ, مەدياتوردىڭ مارتەبەسى مەن مەدياتسيا مەحانيزمىن پروتسەستىك رەتتەۋ, سۋديالاردىڭ مەدياتسيانى جۇرگىزۋى جانە مەدياتسيا تۋرالى كەلىسىمدى بەكىتۋ راسىمدەرى, ەلەكتروندى حاتتاما تۋرالى دا كەڭىنەن ايتىلدى.
ءىس-شارا سوڭىندا قاتىسۋشىلار اتالعان زاڭعا قاتىستى وي-پىكىرلەرىن ورتاعا سالدى.