747 اۋىلعا ينتەرنەت كەلدى. بۇل تۋرالى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى اسقار جۇماعاليەۆ حالىققا ەسەپ بەرۋ كەزدەسۋىندە ايتتى, - دەپ جازادى Egemen.kz
"مەملەكەتتىك-جەكەشىلىك ارىپتەستىك" جوباسى شەڭبەرىندە 20 مىڭ كيلومەتردەن استام وپتيكا تارتىلدى جانە 1250 اۋىل قامتىلادى. ينتەرنەت 747 اۋىلعا كەلدى. قالعان 503 اۋىل - اعىمداعى جىلدىڭ سوڭىنا دەيىن قوسىلادى", دەدى اسقار جۇماعاليەۆ.
ءمينيستردىڭ ايتۋىنشا, تالشىقتى-وپتيكالىق بايلانىس جەلىسىنىڭ بولۋى ۇيالى بايلانىس وپەراتورلارىن اۋىلداردا وزدەرىنىڭ بازالىق ستانتسيالارىن ورناتۋعا جانە اۋىل تۇرعىندارىن ساپالى ءموبيلدى ينتەرنەتپەن قامتاماسىز ەتۋگە ىنتالاندىرادى.
"وسىلايشا, ءبىز ۇيالى وپەراتورلارمەن مەموراندۋمعا جانە جوسپار-كەستەگە قول قويدىق, ونىڭ شەڭبەرىندە ولار 250-دەن استام ادام تۇراتىن بارلىق اۋىلدارعا 3G/4G ۇيالى بايلانىسىن ۇسىنۋعا مىندەتتەلدى. جوعارىدا كورسەتىلگەن جوبالاردى ىسكە اسىرۋ ناتيجەسىندە اعىمداعى جىلدىڭ سوڭىنا دەيىن كەڭ جولاقتى قاتىناۋمەن ەل حالقىنىڭ جالپى سانىنىڭ 99,3%-ى قامتىلاتىن بولادى. تۇرعىن سانى 50 جانە ودان دا كوپ قالعان اۋىلداردى كەڭ جولاقتى قاتىناۋ قىزمەتتەرىمەن قامتاماسىز ەتۋ 2022 جىلدىڭ سوڭىنا دەيىن جوسپارلانىپ وتىر", دەدى مينيستر.