بۇگىنگە دەيىن الماتىدا قوعامدىق ورىنداردى دەزينفەكتسيالاۋدا اتقارىلعان جۇمىستاردىڭ ناتيجەسى تومەندەگىدەي بولىپ وتىر, - دەپ حابارلايدى Egemen.kz.
كىرەبەرىستەر مەن اۋلالار بويىنشا 10 ماۋسىمعا جوسپارلانعان 7442 كىرەبەرىس (2703 ۇيدە) جانە 1440 اۋلا اۋماعى 100% زالالسىزداندىرىلدى.
دەزينفەكتسيا جۇمىستارىنا 423 ادام, ياعني 60 بريگادا جۇمىلدىرىلدى. جۇمىسقا 75,4 مىڭ ليتر دايىن ەرىتىندى قولدانىلدى. وسىلايشا مەگاپوليستە زالالسىزداندىرۋدىڭ 22 كەزەڭى اياقتالدى.
11 ماۋسىمدا 23 كەزەڭ باستالدى. جوسپار بويىنشا بۇگىن 2860 ءۇيدىڭ 7977 كىرەبەرىسى مەن 1318 اۋلا وڭدەلەدى. جۇمىسقا 441 ادامى بار 64 بريگادا تارتىلدى.
كوشەلەر مەن تروتۋارلاردى جۋ جانە دەزينفەكتسيالاۋعا كەلسەك, 10 ماۋسىم كۇنى 4 436 مىڭ شارشى مەتر كوشە, ونىڭ ىشىندە 642 ساۋدا نىسانى, 35 مەديتسينا مەكەمەسى مەن 2 قىزمەت كورسەتۋ ورنىنىڭ (الاتاۋ اۋدانى – 48, المالى اۋدانى – 99, اۋەزوۆ اۋدانى – 46, بوستاندىق اۋدانى – 25, جەتىسۋ اۋدانى – 85, مەدەۋ اۋدانى – 81, ناۋرىزباي اۋدانى – 16, تۋركسىب اۋدانى - 279) كىرەبەرىستەرى, كىرمەلەرى, ىرگەلەس جاتقان اۋماقتارى, 629 مىڭ شارشى مەتر تروتۋارلار جانە 1237 باسقا دا نىساندار, 207 كونتەينەرلىك الاڭ مەن 1035 كونتەينەر وڭدەلدى. اتالعان جۇمىسقا بارلىعى 85 دەزينفەكتور تارتىلدى.
وسى ماقساتتا 136 بىرلىك ارنايى تەحنيكا, 1180 جول جۇمىسشىسى (ونىڭ ىشىندە 134 دەزينفەكتور), 480 مىڭ ليتر ەرىتىندى پايدالانىلدى (جۇمىس باستالعاننان بەرى بارلىعى – 29 798 مىڭ ليتر ەرىتىندى قولدانىلدى).
سونىمەن قاتار, 891 كونتەينەر الاڭىنا دەراتيزاتسيالاۋ جۇمىستارى جۇرگىزىلدى. جۇمىس كەستەگە سايكەس جالعاسۋدا. 8 بريگادا, 40 دەراتيزاتور جۇمىلدىرىلدى.
ءبىر تاۋلىك ىشىندە شىعارىلعان قوقىس كولەمى 1130 توننانى قۇرادى.
11 ماۋسىم كۇنى اتقارىلاتىن جوسپارلى جۇمىستار لەگى تومەندەگىدەي:
– 137 بىرلىك ارنايى تەحنيكا (ونىڭ ىشىندە 75 بىرلىك دەزينفەكتسياعا);
– 1191 جول جۇمىسشىسى (ونىڭ ىشىندە 136 دەزينفەكتور).
كونتەينەر الاڭدارىن وڭدەۋگە 12 بريگادا, 85 دەزينفەكتور, 8 بريگادا جانە 40 دەراتيزاتور جۇمىلدىرىلدى.
الماتى